قال جعلاني للابد ذات يوم لأبيه متسائلاً : مايصير أبويه نشتري بيت في القمر ؟

الأب : يصير أبويه بس ماشي فلوس ؟

جعلاني للابد: بكم يعني بميه ؟

الأب : هيه أمية مليون ؟

جعلاني للابد : عثره !! صدقك ولا تمزح ..

الأب : لا صدق ..

جعلاني للابد : الله يقطع مدير البلديه الخلافه ..((مادري شو يخص مدير البلديه((

الأب :شحقه تسأل إنته ؟ ماتباها جعلان ؟ ولا هب عايبنك بيتنا هذا ؟

جعلاني للابد : لا أبويه بس الزلمه اللي عدال بيتنا ماخذين بيت في راس يبل في فرنسا عاد قلت أنا
لازم أيي من معاليه لازم أوايق عليه من فوق وماشي فوق اليبل غير القمر ..

الأب : منو قالك أنه زلمه هذا مواطن .. جوازه نفس لون جوازك .. خلاص مافيه فرق ..

جعلاني للابد : يخسي .. زلمه مايعرف يرمس ..

الأب : لو كل واحد مايعرف يرمس هب مواطن شعب الإمارات مايتعدى
عشرة آلاف ياولديه .. بعدين مع الوقت بيتعلمون الرمسه وبيغدون شراتنا..

جعلاني للابد :يعني نحن كنا زلمات أبويه ؟

الأب :تهبي يا السبال ..

جعلاني للابد :وين ما فيه فرق ونفس اللون الحين تهبي ..

الأب :مهما كان يدّك السابع عشر مدفون هنيه ..

جعلاني للابد :والزلمه يدّه السابع عشر مدفون وين ؟

الأب :في غزه الله يرحمه ..

جعلاني للابد :بس هو عنده فلوس وايد وأنته زطي ..

الأب :عادي شو المشكله .. أهم شي الأصل ..

جعلاني للابد :عنده بورش عليها كت هامان .. وأنته ذبحتنا بالنيسان موديل
99 وحاط عليه Vtc ..

الأب :فيه مكيف ورا ولا مافيه ..؟؟

جعلاني للابد :فيه ..

الأب : بس جب عيل ..

جعلاني للابد :يلبس باشوتي أنته تلبس نورس ..

الأب :شو دراك أنه أصلي يمكن يكون تقليد ..

جعلاني للابد:يدوخ دوفي دوف إنته تدوخ مدواخ ..

الأب :وده هو يدوخ مدواخ لو يروم له جان داخ .. يباله رياييل ..

جعلاني للابد :أنزين أبويه نبا نسافر ملينا كل صيف تودينا ليوا نسوي برونزاج ونرد ..

الأب :وين تبا تسافر يعني ؟؟

جعلاني للابد :جنيف , باريس , لندن .. مكان حي ذا الويه .. يتشاهد ..

هب ليوا شهيق وزفير لاهوب وعي ..

الأب :أنا من زمان بعد أفكر أوديكم صلاله بس أمك الله يهديها معانده ماتبا تخسرني أونها ..

جعلاني للابد :أبويه حرام عليك .. أقولك باريس تقولي صلاله ؟

الأب :كيف باريس مب معنا في عمان ؟

جعلاني للابد :لا أبويه باريس في زنجبار ..

الأب :أنزين وين عنها تراها ألا حولها ..

جعلاني للابد :أنزين أبويه أبا سياره ..

الأب : شبلاه الكلوزر ؟؟

جعلاني للابد:كسّر ظهريه .. شبلاه بعد .. هذي سيارة طالب في محو الأميه هب في الثانويه ..

الأب : أييييييه .. يوم أنا كبرك .. أسوق الدناكر الكبار والبد فرت عشره غيار وأنته هذا غالبنك لاتسوقه ..

جعلاني للابد : عادي عادي غالبني .. أنته الرجل الحديدي .. أنا ولد الماما ..
خذ لي سياره ..

الأب :شو تبا من السيايير ؟

جعلاني للابد :سياره رخيصه وزينه وحلوه وإقتصاديه في البترول وفور ويل ..

الأب :إنته تبا سياره ولا تبا تسويلها دعايه !!

جعلاني للابد :لازم أمهد عشان ماتنصدم ..

الأب :لا من ناحية الصدمات متعود ...

جعلاني للابد :أبا رنج سبورت ..

الأب :بس ؟؟

جعلاني للابد :هيه بس والله العظيم وراس أمي وراسك أنته بس..

الأب :أشوفه هب لين هناك .. شو رايك ناخذ الفراري الإنزو اليديده ..

جعلاني للابد :لاحرام أبويه وايد غاليه ..

الأب :أونك تدور الرخص يوم تبا الرنج إنته ..

جعلاني للابد :لا بس سعر معقول ..

الأب :تدري لو نبيع البوش والهوش وأمك مايمعنا فلوسه هذا ..

جعلاني للابد :شمعنى طريت أمي معاهن يعني ؟

الأب : نفس الفصيله ..

جعلاني للابد : يعني أنا ولد العنز ..

الأب :قصدك أنا تيس ياحيوان ؟



خخخخخخخخخخخخخخخخخخخخخخ

وهذا هون جعلاني