القصيده التي اثارت غضب بنات الخليج .....


--------------------------------------------------------------------------------

هذه قصيده كتبها احد الخليجين بعد قدومه من المغرب خلونا نشوف وش قال


ياللي تنشد عن علوم الـــذي طاف .. كل البحور وكل دوله وديـــــره

خذ من علومي علم اوصافه اوصاف .. جزل سمين يشتعل له ســعيده

الزين عقب المغربيات ينــــــعاف ..غيد لهن بالزين ذكره و ســـيره

فيهن حلا طاغي ولين و تــــعطاف .. وفيهن حنان يشعل القلب غيره

حلوات وصف وفاهـــمات بالاعراف .. زينات منطق صافيات السريره

بنات قوم طيبهم غصـــــب ينشاف .. اولاد مغرب بالليل العســـيره

ياللي تنشد عن علومي بالانصـاف .. هرجي يكفي صامله عن كثيره

الزين في لميا وتغريد و الطـاف .. ماهوب في حصهو كشره و منيره



رد بنات الخليج


قال الذي في بدع الامثال صراف .. جزل يفرق بين درهم وليــــــــره


ياللي مدحت المغربيات بجـحاف .. الله يجيرك من عماه البصـــيـــــره


لو تعجبك لميا وتغريد والطــاف .. مايصلحن لهل الوجيه السـفيــــــره


مفصخات و لبسهم حـول الارداف .. وبليس اغواهم بكشف الستيـــــره


متعودات كلهم زيف وخفـــــاف .. على التغنج والتعطف وغيـــــره


كل يوم مع صاحب و لافيهم اعفـــــاف .. خويهم اللي فلوسه كثيــره


ترى البضايع عده اشكال و اصناف .. وكل ينوخ وسط سوقه بعيره


عز الله ان الطيب في بنت الاشراف .. اللي على الحشمه تربت صغيره


ولا تبين منها كود الاطــــــــراف .. مثل القماشه فالبحور الغزيره


ياللي تدور بالجواهر و الاصــــــداف .. الزين كله في بنات الجزيره




وهذا رد للمرحوم طلال الرشيد (( الملتاع )) .. الله يرحمه


يابن الحلال ان طعتني خل الاســـراف .. واترك جمال الغيد لاهل البصيــــره

الزين موبس في الملامح والاوصـــــاف .. الزين روح وعفه وطيب سيـــــــره

مانيب من يهوى سريا وانصــــــــــاف .. انا هواي وبس بنت الجزيــــــــره

بنت الخليج اللي تماري بالاعــــــــراف .. وحنا نماري باسمها كل ديــــــره

مالي غرام بقول وخا وبالــــــــــــــزاف .. اذبحتني عند الطرحه المستديــره

احب قولة ياهلا وعل وماخــــــــــــلاف .. من بنت ثوبي بنت الارض النضيـره

اللي تحلاها الظبي حلو الاطــــــــراف .. جمال في عفه ورقه وغيـــــــــــره

واللي بها سحر مهو سحر عــــــــراف .. ياعل عين ماتراها ضريـــــــــــــره

عطف وحنان وذوق في لين الاعطــاف .. والى كشفت لثامها شفت أميـــره

صعب على اللي بالردي شاف ماعاف .. وحلوه علىاللي سنه الله ضميـــره

شمس الى من اشرقت والدجا طـاف .. غابت نجومك غصب لو هي كثيـــــره

السيف مايزهى سوى كف سيـــــاف .. والخيل دون حصانها مستخيـــــــره

بس أنت دورلك على قدك لحــــــــاف .. وان طعتني دور بدلنا عشيــــــــره


انشالله تعجبكم