04-23-2012, 02:04 PM
|
|
الاسئلــــة
ماهي علاقتك بالشعر ..؟؟
آحب أقرأ واسمع شعــر وخآصة النبطي احبه أكثر
من هو شاعرك المفضل ..؟؟
مممم المحيط الهادي: محمد بن فطيس المري
اعضاء في القلب تثق في ذائقتهم الشعريه ..؟؟
طبعآ صآحبة الموضوع 
أمير الوآفي
جمآنة
العيوووز
بيت شعر يحضرك دائما ..؟؟
لفزآآع:
حتى خفوقي لو يقول انه على بعدك شجآع ،، سآعة فرآقك مستحيل انه يحتمل لحظاتها
بيت شعـر تهـديه لعضو ..؟؟
أحترت كيف امسي عليك
مساء الورد الابيض مثل قلبك؟
مساء العود والبخور وهو طيبك؟
مساء الشهد يا احلى الزهور وهذا زينك؟
أهديه لشاعرة ولولو
قصيده تعدها من اروع القصائد..؟؟
كل قصايد بن فطيس احبهآ
ممم بحط لكم دكتور العيووون
يامؤمن الريفي )انا جيتك **ون..
.. جيتك على مدح اكثر الناس وعنيت
جيت وتعالى الله عمّا يشركون..
.. لولاه (يامؤمن) لطبك ما اهتديت
راضي بحكم الله علي مهما يكون..
.. عالج عيوني لو بعد طبك عميت
ودي اخاشر فالبصر من يبصرون..
.. واشوف دربي لا سرحت ولا ضويت
والى قنصت اثبت مع اللي يثبتون..
.. واشوف طيري كل ما اوميت ودعيت
ياااكثر ما يضرب خويي (الطابلون)..
.. من كثر ما اكلّته مطباات وكليت
وودي اشوف اللي علي يعرضون..
.. وبعض الليالي ودي اسري دون ليت
وااشوف ناس ٍ فالقفا ما يرحمون..
.. اما وقفت لصاحبي والا مشيت
من دون نظاره ولا هم يحزنون..
.. يااا كثر ما **ّرت كشمات وشريت
لكنٌ يا دكتور جعلك ما تهون..
.. ابغيك كلمت راس دامك ما بديت
اسمع......ولا ابغي اللي وزانك يسمعون..
.. ربي كتب يكشف لك اسراري وجيت
صورة عديل الروح عندك فالعيون..
.. واخاف تقطعها بموسك ما وعيت
ولا عليك امر..اطوها تحت الجفون..
.. وعقبه لو تقطع عيوني ما شكيت
هي راس مالي والعرب ما يدركون..
.. اني على باب الممات و ما حكيت
ياقو قلبي يوم قفن الضعون..
.. اللي على ذاك الموادع ما بكيت
ويا صبر صبري والعواذل يحسبون..
.. اني دلهت من الهوى والا سليت
اسكت عساهم من سكاتي يسكتون..
.. وانا عن اللي في ضميري ما انتهيت
وادور الفرحه مع اللي يسهرون..
.. وان ذكروني خذت فنجال وسريت
اخذت من وقتك يا دكتور العيون..
.. عالج عيوني لو بعد طبك عميت
واستر علي واللي معك لا يفطنون..
.. انت الوحيد اللي بعد ربي دريت
هل لك محاولات في كتابه الشعر ..؟؟
لا والله ياريت اعرف اكتب شعررر
لك مساحه بلاحدود وحريه بلا قيود امتعنا بقصيده من ذووقك ..؟؟؟
يالله عفوك يوم تصفية الحساب ..
.. يوم حصاد لما زرعنا في السنين
يوم الحشر قرب ولا معنا زهاب ..
.. اليوم في الدنيا وبكرة راحلين
نجني ذنوب ونرتجي عفو وثواب ..
.. وعلى نصر ربي لنا مستعجلين
تدرون ليه آمالنا كنها سراب ..
.. تدرون ليه النصر سيف الأوليين
الأوليين أعمالهم وفق الكتاب ..
.. قاموا عليه وباعوا الدنيا بدين
وحنا غفلنا بين مالذ وطاب ..
.. والنصر سيف ما يسله غافلين
نصبح على شوف انتهاكات وخراب ..
.. ونمسي على دمع وتنهات وونين
بصدورنا شي تذوب اله الهضاب ..
.. وأفعالنا والواقع رياح .. وطحين
وعلى العيون من الفتن مثل الضباب ..
.. معد درينا من يسار ومن يمين
ما للضيف الا الدعا لو ما يجاب ..
.. ما غيره الا الشوف مكتوف اليدين
يالله زلزل تحت الأعداء التراب ..
.. والطف بنا واحقن دماء المسلمين
ندعوك يا قادر على جعل السحاب ..
.. جيش لنصرة قلة مستضعفين
أغرقهم بنوع من أنواع العقاب ..
.. غرق الغلام اللي يحسب انه فطين
لوما عصى نوح نجا به في رحاب ..
.. سفينته وأمضى معه في العمر حين
لكنه اختار الخساره والذهاب ..
.. اصنع بهم صنعك به وانت المتين
والا اخذهم يا مجري سود الحقاب ..
.. أخذ العجوز اللي بقت في الغابرين
ذوقهم اللهم أنواع العذاب ..
.. اللي عثوا في أرضك أمن المفسدين
وألطف بمن لبسوا من التقوى ثياب ..
.. عبادك المستهدفين المتقين
تكالبت عليهم أنياب الذئاب ..
.. ولا غير عونك يا معين الصابرين
من بينهم شيبه يعجزون الشباب ..
.. من وقفته من طولها في الركعتين
ومن بينهم بنت تون بلا حجاب ..
.. أحجابها لفوا به الجرح المكين
وطفل عن عيون أمه الثنتين غاب ..
.. تبكيه عين وتلتفت لأخيه عين
من هول ما يجري لهم شاب الغراب ..
.. يا وسع حلمك وانت ما فوقك مدين
أدعيك وانت ادرى بحال أهل المصاب ..
.. وأمد كفي لك يا أكرم الأكرمين
| توقيع آنفـآس آلـورد |
|
|