منتديات جعلان - عرض مشاركة واحدة



كلمة شكر يابوي ماتوفي الشعور
وإحساسي صوبك يابعدي أكبر كثير

مهما شكرتك ... لا زم أشعر بالقصور
وأنت يأغلى الناس ... أشوفك بعيوني كبير

غالي .... يابوي .... وقلتها بقلب فخور
ياتاج ..... أحطه وين ما أسير

ياللي .. غلاك بقلبي باني له قصور
قلبي بلادك ...وأنت يابوي الأمير

تتكحل عيوني ... ويغمرها السرور
كل ماتشوفك مبتسم .. وقلبي يطير

يانور... كل ماشفته زاد بوجهي نور
مادامك أنت بخير .. هالدنيا بخير

وإن جيت ألف الكون ذا كله ... وأدور
بألقاك شي بهالزمن ..... ماله نظير

يعني إختصار إلي بقوله ... من شعور
بنتك ياضي عيونها.... تحبك كثير

أحبك يأحلى أب في الدنياربي لا يحرمني منك
أنت أب مميز
أمي هنيئاً لك بهذا الزوج الرائع