كثر الدروب تعلـــم الجهـــــل والتيـــــــه
والجهل يسلب صاحب الحلــــم حلمــــــه
دام اللسان يقول كل اللــــــي يبغيــــــــه
الحب كلمة والخيانـــــــات كلمــــــــــــة
والأحمق اللي ما لقى مـــن يداويــــــــه
مألومه إن ما كان لــــــــه أي ذمــــــــه
بس اللي فعلة مـا يطابـــــق مباديــــــــه
أكنس غباره من طريقــــي واخمـــــــــه
واللي عرض نفسه على الناس بوفيــــه
تلوع كبدي لو مجــــــــرد أشمــــــــــــــه
لولا أخاف يقولوا النـاس وش فيـــــــــه
لأعطيه واحد ع شدوغــه وأصمــــــــــه
أصلا حرام إني على البــال أطريـــــــــه
لأن المذمه فيــــه مـــــاهي مذمــــــــــه
أقول..!! خلني ساكت(ن) عن مساويـــه
وخله يموت من الحرايــــر بغمّـــــــــــه
وانا علامي موجع(ن) هالفكر فيـــــه!!
يغيب يا ربي عســـــى ما يسلمــــــــــه
ينعاه ذاك اللي اذا حــــل طاريــــــــــــه
يفز قلبــي دون علمــــي وعلمــــــــــه
اللي حلاوة باتشــي وفيروروشيـــــــه
ممزوجة(ن) باحساسه وخف دمــــــــه
اللي مشيته أوووف... تاتيه,, تاتيـــه
حتى الكعب من صدمته فــاك ثمّــــــه
ماهو بحاجة ميكب...و شعر كاريـــــه
ولا كعب عالي ولا سلاسل بكمـــــــــه
يكفيه اذا ناديته يقول لـــي هيـــــــــــــه
يتبعثر القلب الرهيـــــف ويلمـــــــــــــه
ياااااخي تعبت آشوف طيفه وأناجيــــه
وأحضن خياله في عيونـي وأضمــــــه
إن ما حلمته الليلة باكـر ألاقيــــــــــــه
وان ما لقيته اليوم باكر أحلمـــــــــــــه
ملعووون.. كل ما شافني ميـت(ن) فيــه
يقوم يسكب فـــ الشراييــــــــن سمّـــــــه
دلـوع كـــل اللـــي فبالـــه يسويــــــــــه
وأنا علي أعيـــــد نفــــــس المهمــــــه
إذا زعل أركــض وراه وأراضــيــــــــه
وإذا رضى أحجـــز عليــــه وألمــــــــه
عن لا تشوفه عين من لا يـــداريــــــه
والبعد قاسي ودرب الأشواق ظلمـــــه
ودام اللسان يقول كــل اللي يبغيــــــه
الحب كلمة والمعانــــــاة كلمـــــــــة