سولف حبيبي وصارحني قلي وش اللي على بالك
اشوف منته على بعضك في خاطرك شي بتقوله
صراحتك ما تزعلني فضفض ولك قلبي لحالـك
سولف تكلم وسمعني لا تخفي اسـرار مجهولـه
سعاتدك حيل تسعدني جعل الفلا و الفرح فالك
فرصه وجتلك على كيفك جميع ما بخاطرك قوله
معقوله منت بفاهمني والجرح بالعيـن نادالـك
لو قلت منته بعاذرني ولا كل الأعذار مقبولـه
بودعك وانت وادعني لكن طمني على احوالك
الله يسمح لك دروبك وارزاق الايام مكفولـه