الصراحة أحييك على مواضيعك المنتقية بدقة وابداع.
ربي يوفقك دووووووم.
صح إني أنا بنت بس حبيت أشحك عمري وأقول رأيي........
أصابع اليد مو سوى
يعني!!!!! مب كل البنات واحد
في بنات هن يبحثن عن العلاقات وهذا حالهن غير.
وفي بنات أصحاب العلاقات يبحثوا عنهن لأي سبب كان.
أبى أوضح للشباب ::: نظروا للأمور من عدة جوانب وتوقعوا أكثر من احتمال للأمور اللي تصير عندكم.
أغلب الأوقات يكونوا الشباب هم الغلطانين في حق البنات.
زين...
بما إنه المجتمع ف الغالب يحط اللوم على البنت فأنا بتكلم عن هذي النقطة.
يعني إذا صار وصار لك ذا الموقف... وعرفت إنه قريبتك تتواصل مع شاب::
اسألها قبل!!!!
1.شو علاقتها بالولد؟ يعني على أي أساس تواصلت معه؟؟؟
2.كيف عرفته؟؟؟
3.شو الكلام اللي وصلوا له؟؟؟
4.ليش هي تمت على اتصال معه؟؟؟
5.ليش ما قالت لحد من أهلها عن الموضوع؟؟؟
و..و...........و.....
يعني أسئلة يقدر يسحب منها كل اللي صار ويتفهم الوضع ويشوف من وين بدأ الغلط ويبدأ يحل المشكلة بكل أريحية لأنه مفي شيء يجي بالقوة..
ليييييييييييييييش تتفهموا وما تستعجلوا بردة الفعل؟
لأنه صار لي موقف كذا مرة من شباب ما أعرفهم بس يعرفوني
طبعا أنا طبعي لازم قبل أتاكد إنه مو مقلب من ربيعاتي أو أحد أقاربي.
بعد ما أتأكد أبدأ أطرح الأسئلة.
من إنت؟؟
من وين حصلت رقمي؟؟
ليش قصدتني؟؟
لأني واثقة من نفسي لا أدور العلاقات ولا أرحب بهن بس لازم أعرف السبب اللي خلاهم يقصدوني......
المهم أسحب المعلومات اللي أقدر عليها.
بعدين أروح لواحد من أقاربي وأخبره بالسالفة من طأطأ للسلام عليكم ويتفاهم معه بطريقته.
أنا ما ذكرت أذيه المثال إلا علشان أبين إنه ممكن البنت تتواصل مع الولد لفترة لكن مو معناته إنه بينهم علاقة.
فيا شباب الله يخليكم رفقوا ببنات الناس والله حرام اللي يصير منكم ورحموا خواتكم إذا طاحن بهالموقف واخذوا الأمور بأريحة وبتفهم وكل شيء بينحل.
ووايد كلام مابى أخلص لو تكلمت من اليوم لى باكر.
والله يحمينا من شرور العابثين يارب.
السموحة طولت وايد.
هذا بس رأيي لو كتبت تقرير كيف بيكون
ههههه.