أهليــــــــــن اثنين أوزعهم على المسمع والعين ..
علاقة البدو بالغير بجاوب عن اساسها بخــــــــــير ياطير ..
الفتـــــــــــــــره الاخيره صار العالم قريه صغيره وصار الكل يتعامل مع الكل ليس بالفرديه ولكن ككل
صـــــــــار البدوي راعي العزبه راعي البوش مسؤول على بعض الحضــــــــــر في وزاره أو مؤسسه
صـــــــــــار جـــــــــامعي صار دكتور صار اصحابه منهم الحضري وحتى الزول يعني الواحد اذا طلع
من بيئه بدويه يتوقع يلاقي ابناء العم من حارته في وزاره وحده او في قاعه وحده يعني بالاصح
معظم وقته يقضيه مع الغريب ســـــــــواء في الجامعه او بالعمل ..
يعني الحــــــــــــياه صارت غير وخير ياطير لو صارت الحياه غير الزمن غير الزمن والوقت مختلف
لكن الذكي من يتاقلم مع الحياه دون ماينسى اصله ومن هو في الاساس ..
لكن الان التعامل بالحياه يحتاج لحكمه وانا أشوف ان البعض مايمتلك الحكمه بالتعامل مع فئات
الناس المختلفه فالطبع السائد ان الحضري مايتحمل البدوي معاه لانه مختلف عنه تماما والعكس
صحيح فالبدوي يحس نفسه مختلف عن الحضري لكن السوال اللي يطرح نفسه ..
شو هو السبب في ان الحضري مايتحمل البدوي مع ان البدو يتعاملون مع الناس بحس نيه ورحابة
صدر والبدوي شخص مايحب يلف ولايدور في تصرفاته وكلامه وتعامله مع الغير ويحب ياخذ ويعطي
لكن العيب اللي فيه بنظرة الحضر انه انسان يدخل دغري ويتصرف تصرفات الحضري يشوفها غلط
في قاموسه وكذلك العكس صحيح ان البدوي ينظر للحضري انه يتصرف تصرفات مايحبها هو وتكون
بنظرالبدوي غلط ..
لكن السوال اللي يطرح نفسه هو ان التعامل صار مشترك والعالم اصبح قريه صغيره بوجود وسائل
الاتصال فهل يتغير الوضع مستقبلا ويتاقلم الواحد مع كل فئات المجتمع رغم اختلاف الاطباع
والعادات ؟؟
مع اني اشوف حاليا ان البدوي يشوف نفسه غير عن الحضري ومايحب يتعامل وياه وكذلك الحضري
مايحب يتعامل مع البدوي ..
برايكم شو هو السبب الحقيقي وشنو هي الحلول اللي معاكم ...؟