اخرالحب
كنت احب اني عرفت الحب قبل اعرفك
وعشقت قبل اعشقك واشتقت قبل التقيك
وكنت أحسب اني لقيت أحباب قبل أوصالك
واتري توهمت في غيرك وانا كنت ابيك
تعال نعطش وتشربني وانا اشربك
تعال قبل الوعد اجلس معي نحتريك
تعال شفني وانا استناك كم أشبهك
يطري علي ألف راي وراي واحتار فيك
اجي مكان الوعد والا اسبقه انطرك
والا آخذ الموعد اللي يحتريك واجيك
يا آخر الحب ذقت الحب في اولك
ويا اول الشوق اقصى الشوق ما ينتهيك
علمني كيف اعرفك لين صرت اجهلك
ضيعتني في متاهاتك وكنت ارتجيك
حبيت الاحلام يا بعدك ويا مقربك
حرام يكفي تبعثرني وانا احتويك
ان شفتك بحلم صدقته وانا اتوهمك
وان شفتك بعلم كذبته الين انتشيك
اخاف اغمض عيوني وان رمشت افقدك
واخاف افتح وتصبح حلم ولا التقيك
ذكرى الفراق
اليوم ذكرى الفراق ومرت أول سنه
اليوم لي عام متغرب وحيد وحزين
اليوم أنا ضيف جرحي جيت باطمنه
إني جمعت الدموع وجبت أمانة أمين
ما يجرح الصادق إلا غدر مين يامنه
لاحت من احباب قلبك لا نلوم السنين
مليت من هالاماني دام مهي ممكنه
لاهي تحقق ولا ياسي بوجهي يبين
لو ين أنا وأنت مثل الشمس والأزمنه
مع كل صبح يجدد في لشمسك حنين
لا قلت أحبك أحبك كنها دندنه
أو كنها وردة ما بين أصابع جنين
يا اجمل الناس لك بين الملا هيمنه
كثير غيرك ولكن مين مثلك ووين؟
يا عاذلي خذ عيوني يمكن تثمنه
تشوف عيبه وانا اشوفه ملاك حسين
امس افترقنا وأنا أحسب أول سنه
يا طولها ليلة الفرقة سنه للحزين
يضوي مدى يحرق نفوس
وجهك غضب وجهك عروس ... يضوي مدى يحرق نفوس
تشبه لك الشمس الشموس
وما لـمحتك
سلام يا احلى الانـــام ... دربي مثل عينك ظلام
تشبه لك اسراب الحمام
وما وصلتك
يا صوتها الرايح وجاي ... ما بين اشواقي وشقاي
تشبه لك الونه وناي
وما سمعتك
حبيبتي والبوح نار ... انتي انا بكل اختصار
تشبه لك عيون الصغار
وما عشقتك
يامهرتي الصغرى الاصيل ... تلعب وانا صب نحيل
تشبهك غابات النخيل
وما سكنتك
ياغاية الحلم المحال ... مثلك انا حلمي الوصال
يشبهك في الشاعر خيال
وما كتبتك