**عيــــــو ن الــــنـــا س**
ايه ..لا شفتك باهلي بالنظر
عن عيون الناس ..بعيوني الوصال
لا لمحتك ..في الخيال وفي الصور
زان لي وصفك .. واغني لك تعال
في هواك من البحر ..شيمة غدر
وفي هواي من البحر ..سر الجمال
وفي هواك من الشعر ..كذب الشعر
يلقى نفسه سوال يجاوب بك سوال
الهوى ..سلطانه بعيني سحر
والهوى ذنبه علي قلبي.. حلال
الهوى فـــ.عيونك النجلا قبر
وللهوى في قلبي..الوله..دلال
ليه لاشفتك..اهلي بالنظر ؟!
في عيون الناس ..ابصرخ للوصل
مقـدر أكـون اني حبيـب في بعـض أحـوال
أنـا كـلــي أجـي ولا أروح بـعـزتـي كـلـي
تخيـرت الفـراق وما دريت ان الفـراق وصـال
أقـول اني نسيتـك بـس مـدري كيف تاصـل لـي
خذانـي لك سـؤال في عيونك والجـواب محـال
خـذانـي منك دمـع في عيـونـي ما رضـى ذلـي
رحلت انت وتركت بداخلي طيفـك وصبـر طـال
غـدت ذكـراك شمـس ما تغيـب وصورتـك ظلـي
حكيـت ما لقيـت من الحكـي الا النـدم مـوال
سكت ومت بالحسـرة ولا أدري وشهو أحسـن لـي
أحبـك كـل ما فينـي يحبـك يـا خلـي البـال
تخيلتـك دواي وصـرت جرحـي الصعـي يا خلـي
تعبت أرحل مع وجيه البشـربانسـاك بالترحـال
ولا أدري وش يجيبـك في وجيـه النـاس واهلـي
آخـــــــــر قصيده قالها قبل وفاته بشــــــهر
أسلحتنا في المصاحف
يا زمان الذل
.. زل..
ما بقى في الناس شيمه
وما بقى للعدل خِل
ومن كثر ما حنا صغرنا
صرنا حتى بدون ظِل
صرنا ما نملا المحِل
صرنا أمه تحتقرنا
كل أرذال الأمم
لاتصدق ياعزيزي
بالعروبه والقيم
يا زمان الشيخ بوش
يكفي هزأت المبادىء
يكفي أحرجت العروش
الكرامه يا طويل العمر ما تكفي النعوش
يا زمان البيت الابيض
إنت مالك أمر يرفض
تبغى هذا الدين أطول
تبغى هذا الشرع أعرض
إنت إكتب وإحنا نحفظ
مو غريب
لو نَحَسْب الخبث طيب
ومو غريب
نصرخ ولا من مجيب
ومو غريب
لو يكثر أعداد الأرامل
فبلاد ما ترضى الهوان
وحكومة ما تعرف تجامل
ومو غريب
لو تعتبر حتى عصا الكهل العجوز
أسلحة دمار شامل
يا زمن نهب المتاحف
جانا جيش الحقد زاحف
جتنا لعلوج الزواحف
فتشوا حتى العقول
وأسلحتنا في المصاحف!!
يا زمن أمريكا شكراً
أنتزعت الأقنعه
إنت ازلت الأقنعه
وانكشف وجه النوايا
واتجاه الاشرعه
ما نصدقهم خلاص
وما بقى من نسمعه
كل ذولا إمعه
بس خلك مستريح
الصحيح
يوم هب الحقد من واشنطن ولندن
كذب باسم المسيح
الكل فضل ينحني
وبغداد اختارت تطيح
يا زمان الازمنه خليك شاهد
إحنا مو ناقصنا واحد
هو صلاح الدين
احنا ألف مليون واحد
هم صلاح الدين
حنا بس بعيب واحد
هو.. فساد الدين
يا زمان الذِل
حِــل
قلت لك مالك حِل