/



تعالي ودي اكتب كل شـي ومامعـاي .. إلهـام
تعالي واجلسي بين الحنايا .. واسمعينـي زيـن

انا من ليلـة البـارح حزيـن وماقـدرت آنـام
وعلى فكره .. ترى مامر عيني نوم لا هالحين

تحريتك وقلبي .. كل ما تنعس عيوني ، قـام
وهو خابرك منتي راجعه . . لكن هقاك تجين !

غيابك هالسنه يارب ماهو مثل اخـوه .. العـام
قبل لا تجرحيني جرح ثالث .. مري الجرحين ..

خذتني الذكريات .. وجيت لك .. سيراً على الاحلام
لو اني ما اذكر اني قلت لك .. بمشي ، وقلتي : وين

ولا اذكر يوم فارقنا بعض ، هو من ثلاث ايـام
او انه من ثلاث شهور .. ولا من ثلاث سنين

يافرصة عمر كيف افرح بها واعيشها مادام
بغمضة عين جات .. وسافرت عني بغمضة عين

ذكرتك وابتسمت وبانت الدمعه ولا تنلام
ذكرت احلى الليالي .. من شهر سته لشهر اثنين

انا قلبي من اطباعك عشقك وذاب فيـك وهـام
وقلبك حبني ، يمكن عشان .. ( بيكسر الروتين ) !

على كل ٍ .. انا بسوق رجلي ، والفـرج قـدام
وبقول انك بعد يمكن 3 سنيـن .. تشتاقيـن



الرائع / محمد المسعري