البارحه في مرقدي ما تهنيت ماغير اداعب طيف زين الرسومي
محدن درى بضيقتي يوم ونيت يوم انكوى صدري بنار السمومي
هليت دمعي من الهم هليت من زود مابي حطمتني همومي
ضاقت بي الدنيا يومك تخليت الهم والغربه تشتت عزومي
ماغيرك انته يا حبيبي تمنيت ولا غير حبك في فؤادي يحومي
اهواك ياروحي لو انت صديت حبك بقلبي مثل دق الوشومي
ان كنت في حقك يا صاح اخطيت ارجو العفو منك وانته ترومي
وان كنت انا عن حدودي تعديت ماهو بقصدي وانت عارف سلومي
انا أسيف الشوق كانك تناسيت منسى الغرام لين مايقوم يومي