منتديات جعلان - عرض مشاركة واحدة



.°.¤.°.
.°.¤.°..°.¤.°.
.°.¤.°. .°.¤.°..°.¤.°. .°.¤.°.
.

جايني توك تعذر ..؟ لسه بدري ..!
يا حبيبي ( أُس ) صحيت النزيف ...

لو صحيح إنك تحس بحال فقري
ما منعت إيدي عن فتات الرغيف

بس تدري..لا أنا ما ظن تدري
عمر ما حس الشتاء اوجاع الخريف

شف أنا وطيت لك بالحب قدري
جيتلك شحات ما مل الرصيف

جيت شايل بالوفاء باقات زهري
جيت أكذب دورة الوقت السخيف

أذكر إني قلتلك خذ هاك عمري
وأزهمت زهم المقدي للكفيف

كنت أكثر من يجي ع البال يطري
وكنت أموت بغمزة الرمش الرهيف

البلا إني كلما وسعت صدري
صار جرحك خيمتي والهم ضيف

موه مصيبه لانطعن في يوم ظهري
المصيبة لانطعن بإييد الوليف

عاد لقبل عطرك ومديت جسري
هذا لني بحضرتك أبقى ضعيف

حمرة خدودك كرز بالحيل يغري
سلهمت جفن تبعثر ياا لطيف

وان رضيت وخالجك وش صار عذري
عذري إني صاحب القلب الشفيف

بس تدري..أفرض إنك بس تدري
من تفارقنا وأشـــواقي نـــــــزيف

.°.¤.°.
.°.¤.°..°.¤.°.
.°.¤.°. .°.¤.°..°.¤.°. .°.¤.°.
.