منتديات جعلان - عرض مشاركة واحدة



صباحكم/مساءكم شعــر..

\
/
\
/
للشعر ناسه و للابداع اهله..

شاعر تميز بروعة كتاباته له اسلوب خاص يسلب القلوب..

احببت قصائدة.. الشاعر هو (( بركات الشمري )) شاعر سعودي..

هذا الشاعر الذي انتزع من القلوب كلمات الاعجاب..

بفضل نصوصه الدافئه و الرمانسيه ..

من ألقابه التي أطلقها عليه الجمهور : بركات الشعر / بركات الكون و صاحب السمو..

لأدعكم وبكل جمال تبحرون معي في بحر هذا الشاعر العذب..

{

يـــا أحـــبــــك !

}

وين ياملح السنين !؟
لي سنه !
لا والله أكثر ... أنثر احساسي .. حنين !
واكتم انفاسي أخاف الشوق يطلع !
في رجا .. ( إنك تجين ) !
في رجا .. إنك تعيدين الحياه ..
للي بعدك قام يصرخ :
آه وآه واااااه !
للي بعدك .. ضاع بعضه !
وبعضه الباقي
نساه !
شوفي حالي !
منطوي وحدي .. ولا لي !
غير اقلب ذكرياتي .. ! وانتظر طيفك يبين !
ياه .. ياهالذكريات !
تذكرين !؟
كم سهر طرفي على طرف يبات !
وكم جرح مات ! ... حي !
وكم فرح حي ..
مات ..!
تذكرين !؟
كنت أنا لاغبت اجي واسأل :
بكيتي !؟تسكتين ..!
وأسمع أشواقك تقول :
إيه ياحيي وميتي !
وكنت أشر يم قلبك .. واسألك :
هو .. هذا بيتي !؟
كنت أسمع .. دمعتين !!
تذكرين !؟
كيف اسابق لهفتي
لاجيت يمك !؟
وكيف كنت اجمع حنيني وانثره ...
من شان المك !؟
تذكرين !؟
يوم أنا ( أول ) ... أهمك !؟
ماسألتي .. كيف حاله !؟
طفلك .. النايم بصدري !؟
وكيف لامنه تشوق ..!
قمت احس النار .. حدري !؟
وكيف اجاوب لاسألني .. ( ياترى بالحال تدري ) !؟
كيف ابهرب عنه .. قولي لي أمانه !؟
وين أودي وجه صبري ..
لابكى فيني .. حنانه !؟
وكيف اسليه ب غيابك !؟
وأنا احس إنه بصدري .. مل حتى من مكانه !
يالله عاد !
انفضي غبار الرحيل .. وأطعني
صدر البعاد !
ياهو .. لاعبي الحنين ..
هه ! شوفيني حزين ..
لا الهوى هذا هواي ... ولا بلادي هي بلاد !
ماسألتي ليه اموت الفين مره ..
لاطريتك !
وليه احس القلب يطلع !
بس .. لامني بكيتك !؟
وليه أنا .. أفنيت عمري .. فدوة لعيونك !
وجيتك !؟
ماسألتي .. ليه يعني !؟
وكل طاري هم من بعد تبعني ..!؟
يمكن إن قلبك .. نساني ..!
أو يمكن ... ماسمعني !
إييييييه والخالق .. أحبك ..!
وحتى أوجاعي ..
تحبك !
حتى أسمك لابغيت أنطقه !
يطلع لي أحبك !

يا أحبك !