المجاملة
موضوع راقي بأمانة ومشكور على إثارة النقاش في هالموضوع
من أكبر الأمراض اللي تنتشر في المنتديات منذ فترة ليست بالبسيطة مرض ((المجاملة))
ليش مرض ؟
1 - لأنه يقتل المواضيع المطروحة
2 - لأن كل مجامل يلبس وجه آخر بعيد كل البعد عن شخصيته.
3 - أنا أعتبره نوع من الكذب لأن المجامل يتكلم عكس واقع الموضوع المطروح..
وأسباب كثيرة لا يتسع الوقت لي لذكرها
أسباب المجاملة :-
1 - تقوية علاقات مع كاتب الموضوع
2 - نوع من رد الدين فالواحد يرد على اللي سبق وجامله.
3 - لزيادة عدد المشاركات في حساب الشخص والإنتقال من ضيف إلى عضو ف عضو شرف.
4 - أسلوب للفت الإنتباه.
حلّ المشكلة :-
الحل في يد المشرفين أولا لأنهم يقدروا يلغوا أي رد مجامل
2 - النقد من أهم أساليب الحوار الحضارية ودليل على رقي التفكير
3 - المواضيع ما إنطرحت عشان تكون كل الردود بعنوان ((جميل جدا)) ((طرح رائع)) ((صح لسانك))
والكثير من العبارات الرنانه اللي نقراها بملل كل يوم وفي كل صفحة لين ما صرنا نعرف شو مكتوب بمجرد رؤية الشخص اللي زار الموضوع.
4 - لاحظت حتى هنا في منتدى جعلان هالمرض موجود.
5 - مفروض علينا كأعضاء ما نرد بنفس العبارات السابقة الذكر في (3) ونبتدي نرد بنقد أو سؤال أو إبداء رأي لكاتب الموضوع عشان نعرف مقصده من الموضوع.
6 - حتى المشرفين يتفننوا في لعبة المجاملة وهذي ما لها حل إلا من إدارة المنتديات اللي لازم تكون مصحصحة للي ينكتب.
لو صار وإختفيت من المنتدى فتأكدوا إن المجاملة بتخليني أنسحب لأني ما أحب أجامل
إنتظر تعقيباتكم بكل شفافية.