الملاك

أنتي وأنا واحد ومن غير باقـي
ما نقبل القسمة على أثنين مـرة


الله جمعنا روح وصـل وفراقـي
يالله عسانا من فرح فـي مسـرة


من وين مالد النظر لـك ألاقـي
نسيم طيفك فـي عيونـي يـذره


صوتك غفى فيني وما بعد فاقـي
ترنيم همسك في عروقي ممـره


حبك قدر محتوم ما منـه واقـي
شوفي بقلبك وسط جوفـي مقـره


أنا عطيتـك مهجتـي بإشتياقـي
وش دخل إضلوعي تضيق وتشره


ما دمت أنا وأنتي ومن غير باقي
ما نقبل القسمة على البين مـره

***************


من رحيق الورد عطــــري ... هديـّـه
للي فريد العطر ... يمــلـى شذاهــــا

يا حَـلى م الغلا يملاهــــا حلـــيــــّــه
والحسن بالزين طاغي ع َ حلاهــــا

شلني شوق ٍ لهـــا روح ٍ ..شقــيـــــه
ودها بس تسكـــن ... في سماهـــا

لا غلا شفت مثله .. ولا هو بيديـه
من حقها والله ... يطــغى صبــاها

كــثر م اغـْلي هلي .. وأكثر شويـّـه
قد ما يطــفى على قلبــــي غلاهـــــا

ياحسن لها نظرات ٍ من عيون ٍ بهيه
غرنجيه .. وبعيونها السود تــْباهــى

ما اسرح إلا قلت يا حلـــم... هـيــّه
محد ٍ ف حلمي أصلا ً اسمه علاهـــا

لاكتبت القصيـــده بالحروف الأبجديه
تــناثرت والله ... وقصيدي فداهـــــا

مابيننا حاســـد ولا حتــى عاذلـــيــّـه
ليتني بعــــد حــــبــي أقعــد .. معاهـا

بس المرض ياليـــت ما كـــان فــيــّـه
ياليت ما قطـّع وصالي وسبب شقاها

ياوردة ٍ من رحيق البكا ياليوسفيــــه
من الدمـــع ليـتني مـــا شوف ماهـــا

بس اذا كان إبكي على صدري عليــه
والله يعين العيــــن ما يبـــدى بكــاهـا

والحين احس بألم صدري تملاه الشتيه
وأحس بعدها اخــــاف ما حس بدفاهــا

إملي مابقى م العمر .. واخذي البقيـــه
ياعسى غيري تحب .. يالله عســاهـا

وأنا خليني أكتب المــــوت .. مرثــيـه
وصفحتي قلبي إسمج اللي ... بداهـــا

وأنا بنتظر .. أبرشف دموع ٍ نديـــــه
وبنتظر لجل حـــبي وروحـي ومابقاها

وانتي انطقي .. ولو بحروف ٍ خفــيـه
وانا بــفهم حـــروفج من ... خفاهـــــا



فديتج والله ..

تستاهلين اكثر ..

تحياتي ..