منتديات جعلان - عرض مشاركة واحدة - ، لَوّ سّمَحّتْ [ بُدُونّ تَكفَى ! . آبْتَعّدّ عَنّيْ بّكَونَكْ = (



..[[ مـدخــل ]]
دآمهآ آلفرقه ترضيگ
رووح عسآ ربي يهنيگ ..

ما سمعتك / اعتذر لك / عِيد واعزف لي فنونك
خلّني استوعب أكثر يمكن ( اتفهّم مُرآدك )

ايش قلت / تحسّ نفسك منكسر مخطوف لونك ..!
زين يعني وش عليّه منك ومن حالة سهآدك ..!

لو سمحت بدون تكفى ( ابتعد عنّي بكونك )
شوف لك حجّه جديده قولها عند اللي رادك

امّا أنا / اسمع كلامي زين وافتح لي اذونك
مُستحيل الوصل يرجع لو على عيني نفادك

كم ترجيتك تحاول تترك العِناد وجنونك
قلت لك لا تندفع للنار تهدي لك رمادك ؛

بعد تغريبة هجيرك وانكساري من ظنونك
صرت رُغم اني اصيله انكرك وانكر ودادك

لا تفكّرني ابترك دنيتي لجلك واصونك ,
لا تحسْب إنّي ابرجع انعش بوصلي كسادك

ما تجي رُبع الحقيقه لو أقول انّي بدونك
صرت الاقي نفسي اكثر صرت استطعم بعادك

يا شحيح الحظ للّي يلتجي يمّة حصونك "
يحسبك صدر المعارك ما درى انّك في جهادك

ما تحدّ سيوف عزمك تنهزم انت ومزونك
تترك النار وجيوش الغدر يغدون بْلادك ~

ثمّ ترجع لي تندّم تعتذر تسكب هتونك
تصرخ بصوتك تنادي / لا تحرْميني مدادك

حطّ نفسك في مكآني لو اسوّيها و اخونك
تقدر انّك تعتذر للوجد / وتستعدي حدادك ..!

لا تجي حتى بضآعة خآطري عيّت زبونك
ما بقى بالقلب منفى يحتمل غلطة زنآدكّ |

..[[ مخـرج ]]
وآذآ جيتني يوم مشتآق
هنسآگ يوم مآ گنت آلحبيب

أنشاللــہ تنــأإل على أعجــابـڪم .. !