تسولفلي عن الضيجه؟!!
واناكلي الم وحزان..
وانامن وين ماناظر بعيني شفت ضيجاتي!
تسولفلي عن الضيجه ؟
واناعنوان للحرمان
دخيلك لادخيل الجرح لاتكشف معاناتي
دخيلك لاتشجعني أسولف وكسرالكتمان
تعبت امن السكوت اللي تعود يسكن ابذاتي
عليم الله مافيني شبر يضحك فرح وشجان
وانا لوجيت ابضحك لك اجيك أضحك بدمعاتي
حياتي شعرن وشاعر وجمهوري بقايا إنسان
ونقادي زمن جاسي ولايفهم كتاباتي
اناظر للبشرحولي أحد يضحك وأحدطربان
وأناصعبن علي أضحك أسايرهم بضحكاتي
عجزت أكذب ع نفسي بفرحه مابها الوان
وحزني ماعجز عني بدا يرسم نهاياتي
طريقي صعب وجروحي كثيرو داخلي ضميان
ابي لو يوم واحد أحاول اجمع شتاتي
اناقصه تبعثرت وتطايرت بزمن خوان
تعلمت أخسر البسمه واداري عضة شفاتي
ابكتب لك وبالخط العريض وريشة الفنان
انا الخسران توقيعي وانا الخسران بصماتي
اكمل لك عن الضيجه اكمل لك عن الأحزان
تأكد لو بكملك.
بتصيح وتطلب اسكاتي