بعض إتصـــالات خلـــق الله تـــــدوشني
وش بعــــضها .. لا قســــــم بالله أكثرها
من بعد ماجاء إتصـــــــال بجد عيـــشني
حالـــه غريبة ولا أدري كيــــف أفســــرها
فديتــها صـــوتها من جــد ينعــــــــشني
فخامتـــه مـــن تمـــر إذنــــي تعـــــطرها
اللي ليا من حكــــــــت كنها توشــوشني
رقــة .. ذرابة .. نــعومة .. صــعب أصورهــا
إسمي بفــــمها ورب البيـــــت يخرشــني
لبيه .. تطـــــــلع غصــب لو مـــــا أحضرها
المووت لا قالــت إسمي بعــــد واحــشني
أضيع مـــنها .. و هــي عـــــــــمداً تــكررها
من شفـــتها قـــــال قلـــبي لا تناقشنــي
رحنا وطي .. وإنتبه غيرك لايطــــــــيرهـا
من يــومها منـــتبه والخـوف .... بالــشني
أخاف مــــنها .. عليـــها ... لاتكــدرها
أحيــــــان أســوي مطنــشها ... وتكفشــني
ترســل رسالة {وحشتــك} ..... ما أعـــبرها
أربــــــع ثـــواني وأحـــس بــشي راعــشني
وأدق .. و تـــــــرد .. وأتنــــهد ... وأبادرهــا
تـــــدرين حتى الرســايل مـــنك ... تربشني
لا يابعـــد ماضـــي أحلامـي ... و ... حاضرها
لو ماوحشتيني أنتـــي ..... من بيــوحشني ؟
لعيــوونكِ أنتي ... جميع الخلــــق حاظرها
كل إتصـــالات خـــلق الله تــــدوشـــــــني
بس إتصـــالاتك أنتـــي جــــد أقــــــــدرها