لو حبيبك خلاك
وهان عليه الفراق
وش يكون حالك
بعد ماكان في نظرك ملاك
تراجع نفسك وتسافر في بحور فكرك
ياترى قصرت...او ماوفيت
ياترى قسيت...او ماحنيت
ياترى ليش يهجر قلبي اللي كان له وطن وبيت
ياترى جفاني ونساني وحب انسان ثاني
وإلا فكر يرميني في طريق الهلاك
لجل اني حبيته ومافكرت اخونه
وكنت بدقات قلبي أصونه
ليش صار علي قاسي بعد ماكان أحن ملاك
ياترى بتسأل نفسك ليش فكر ينساك..ياترى بتسأل نفسك هالأسئله؟؟
لو حبيبك خلاك
وهان عليه الفراق
تكمل طريقك ولايهمك
ولاتدور صدر يضمك
ويشيل عنك همك
غير حبيبك الحاني
اللي كان عشانك يعاني
وتذكر ذيك الليالي الجميله
اللي تحلى اكثر في كل ليله
أو تسهر تحاتي حال خلك
بعد ماكان يمك مثل ضلك
وتتحسر على أيام راحت
انتشر في دنيتك عطرها وفاحت
بعدها تفكر تنساه مثل مانساك
وتخليه مثل ماخلاك
وتدور غيره ثاني
لوحبيبك خلاك
وهان عليه الفراق
وش يكون حالك مثل هذا ولا ذاك؟؟!