غفيت وكل من حولي سعيد بدنيته رضيان
غفيت وبسمتي تملى عيون الي تناظرني
صحيت بجدتك ماتت هقيت اني بعد غفيان
صحيت بعالمن ثاني كل مافيه دمرني
صحيت ومالقيت الابقايا من بقايا انسان
حزين وفاقدن ناسن عن الضيقه تسامرني
ياجده فاقده حضنك ياجده حيل انا تعبان
ياجده بروحي تعبانه وحدك بس تعرفني
ياجده ضايقه فيني ياجده من سواك انسان
الا من ضاقت الدنيا عليك جروحي تجبرني
ياربي راضيه بحكمك ولكن قلبي الولهان
بيذكر جدته دايم وهذا الشي قاهرني
راحت نور هاالدنيا وخلت كل شي كان
بقايا صوت ضحكتها مع الذكرى بتحرقني
ياربي حيل تعبانه صبر قلبي بالايمان
يارب في يوم نتلاقى ولهذا اليوم صبرني