ما عرفنا للهوى علم نطيعه
لو لقينا سكته ضاعت خطانا
من شرانا بالمحبه ما نبيعه
من عطانا مانقول انه عطانا
بس شقابي ويل بي ضيق الوسيعه
والنجم لو غافل القمر اضوانا
والعمر ونات والونه طبيعه
ما ذخرنا عازته لا من بغانا
مدري إنه وصل وإلا به قطيعه
حلمنا اللي قد مشينا به وطانا
الهوى جبار وحصونه رفيعه
ما تطوله غير قولة يا عسانا
ما نسينا شايبه تنسى رضيعه
ما شكينا همنا اللي قد شكانا
الوفا يا اهل الوفا هذا صنيعه
الوفا كذاب لو ينكر وفانا
ما عرفنا لو عرفنا ما نطيعه
لو نضيع سكته نلقا خطانا