منتديات جعلان - عرض مشاركة واحدة



السلام عليكم ورحمة الله وبركاته

صباح الخير

امس وانا طالع من البيت يتصل لي واحد من عمال الوالد بحكم ان الوالد مسافر ارد عليه الوووووو

يكلمني هلووووو ممكن يجي ؟؟؟؟

ارد عليه ايه ممكن ليش مماممكن

خمس دقائق الا وانا معه طبعا على طول افتح الثلاجه اللي فالكفتريا واخذ مالذ وطاااب

واسوي كاني اريد ادفع وهو يعصب يقول شو هذا انته ليش كذا

طبعا اساله هااااه شو عندك يطلع لي فواتير الكهرباء شوف شو هذا الفاتوره وااااصله تووووب

اساله انت شو تشغل رد علي انا مااشغل شي بس مكيف لكن هذا شركه مال كهربا غلطان اكيد

غلطان هذا مايعرف يحسب

انا خذيت الفواتير وطلعت قلت له برجع عليك بكرى وانا متاكد ان هذا الشي عليه عليه لكن لابد اني

اراجعهم طيب خلصت سالفة الهندي واتهامه ان شركة الكهربا غلطانيين ...

ولمجرد ان الفاتوره اعلى من الاشهر السابقه ولان هذا المبلغ كبير عليه هو اتهم شركة الكهرباء

انهم غلطانيين ...

هذي عقليته مقتنع ان الشركه هم غلطانيين ...

المثال الثاني الطالب اللي بالمدرسه تخلص الدراسه ومايحصل على نسبه زينه والسبب انه

مهمل وماشاد حيله ولماتساله يرد عليك والله المعلمين موزينين او ان المنهج صعب ...

هذي حيلتهم وتفكيرهم

واللي يقول انه مستحيل يرتبط بالبنت اللي تكتب بالنت اقوله لو الناس كلها زي تفكيرك ابشر

بملايين البنات اللي راح تعنس وتجلس بالبيت ...

والشي الثاني لانه هو نظرته للحياه نظره سوداااااااء وقاتمه وماعنده ثقه باللي حواليه وماعنده

ثقه بنفسه وبقراراته ويدعي التدين وكانه صلاح الدين الايوبي في زمانه ولانه يرى ان البنت متفوقه

عليه بكل المجالات لانه فاشل يبدا بنقد الفتاه التي تدخل الانترنت ...

ونسي ان لهذه البنت اهلا مسؤولون عنها وانها بنت ناس وعائله لاترضى لها هذا النقد ولولا انهم واثقون منها كل الثقه وهي واثقه من اصلها وتربيتها لما دخلت عالم الانترنت التي اضافت اليه الشيئ الكثير

قبل ان يكون فكره البليد هو من يحكم عليها ولاتنسى ان بلادة تفكيره من المؤكد انها ضلمت المقربين حواليه وعطلتهم عن ممارسة حقوقهم في التعبير عن مشاعرهم

بداعي الاختلاط وغيره من المبررات التي لايوجد لها في الواقع الا فئه شاذه

فقد شبهتهم بالعامل اللي بالكفتريا والطالب البليد فتفكيرهم بنفس المستوى

ولو اني اعذر العامل لانه هذا رزقه يعني تفكيره ارقى منهم

وسلامتكم