ياحبي الخالد أموت بغرامك
القلب يحيا بك وهو ميت فيك
من كثر ما أحبك وأذوب بكلامك
لو ترمش بعينك أنا أقول لبيك
فديت صوتك لا وصلني سلامك
وأن جيتني تتبع عيوني خطاويك
كل شي منك حلو حتى ملامك
إن قلت أحبك وإن قلت ما أبيك
ربي رفع قدرك وعلأ مقامك
القلب من يغليك ياروح مغليك
تفرض على كل القلوب إحترامك
وش عاد في قلب يحبك وشاريك
أشتاق لك وأشتاق عطر إبتسامك
وأن غبت عني نبض قلبي يناديك
الله لا يحرم خافقي من غرامك
والله يخليني عشان أهنيك