حذرك لا تبتلي بجروح يصعب دواها..واذا مشيت دروبك وممشاك.. احرص ع نفسك وخالف هواها..أمارتن بسوء ما هية بتنهاك..اجبض عليها لين يجلى صداها..اجطع نواياها بدينك وتقواك..وهلل وعند الله سريعا" شفاها..والعين لا تنضربها من تعداك..والمحسنة الي ما تتلفتلك وراها..اصبر ع همك وغمك وبلواك..عف وتعفف لا يغرك حلاها..أترك حرام القود ما هوة بيملاك..وكل البطون الجايعه ما ملاها..وأذا شفت حلالها أتسد جوعك ومضماك..تسوى مشاريب الحرام وغذاها..النار ف جوفك وتصلح حناياك..نار الجحيم تزيد للي وطاها..واحفظ لسانك لا يجرك ويبلاك..واخذ الثمينه لو غلا مشتراها..الهرج ميزانك ويكشف خفاياك..كلمة تعيبك لا تبين نباها..صون الكلام وصون نفسك ومذقاك..لنفس حشمه لا تخص معراها..اصمت مادامك عارف سير مجراك..لا تنقل النمه وتبحث خفاها..إيزول جدرك عند اجرب دنياك..ولو هوه ولد عمك حياتك جفاها..واحلم ترى الحلم يرفع مزاياك..وسيد الاخلاق هوة مبتداها..والصاحب المبعوث ما هوة بيخفاك..شفيعا" يوم ملاجاك طاها..خلي الجهل لا تخلي الغيظ يعطاك..ترى الجهل سم القلوب واعماها..وإذا ابتليت ارفع لله شكواك..لابد هالأيام تكشف غطاها..اصبر يزين الحظ ويزين مرماك..وسلاامتكم..