وش حــيــلـــتـــي )
**************
لاتساليني عن غيابي حصل كيـف
غصبٍ علي يابنت مانيـب راضـي
****
وش حيلتي دام الزمن له تصاريف
لو ينشكي لاشكيه عند ألف قاضـي
****
لا تصدقيهم عيب يابنـت ياحيـف
كل الكلام اللـي يقولـون فاضـي
****
حكي العواذل دايما كذب في زيـف
معقول ينسى من يحب (إبن ماضي)
****
والحب واضح مايبي زود تعريـف
قايم على ساس الوفاء والتراضـي
****
وراع الهوى مسكين يابنت وضعيف
هايم على وجهـه بكـل الأراضـي
****
يتذكر الأحبـاب ويسامـر الطيـف
ويعيش حلـم الواقـع الأفتراضـي
****
والبعد عنّك يابعد روحـي مخيـف
لكن رفضـي مانفـع وعتراضـي
****
من غيرك أنتي يلطف الجو تلطيف
لي من حضرتي زال كل إمتعاضـي
**************
منقـــــــــــووول