يسْعَدلـِيـَﮱ صبَـآحُـڪُمْ../ وَ مَساڪُمْ.. بآلنٌـٍور وآلسًـٍرور.
.
تركد لا تعشم نفسك اني بالغرام اهواك
ترى منته بربٍ لي تموتني وتحييني
انا ما قلت لك اني هويتك تابعه لرضاك
ولا فكرت فدروب الهوى لو كنت تغليني
انا بنتٍ شريفه واطيه قلبي قبل لآ طاك
وطيته قبل فدروب المشاكل لا يوطيني
اذا هذي طبوعك دايمٍ تمشي على عمياك
اببعد عنك قبل انك تبلاني وتعميني
بنات اهل الشرف والعز ما هي ملك في يمناك
وانا لا من بغيتك املكك في راحة يميني
تخربط بالكلام وشوف هرجك وين هو وداك
وانا هرجي على دروب الشرف دايم يوديني
كساك الحلم من راسك لتفكيرك ليا ماطاك
تحسبني احبك واعشقك وانت اجمل سنيني ؟؟
ترى والله مآ تسوى ولا ذرة رمل يا ذاك
ولا تسوى بعد دمع الفرح والحزن في عيني
تبلاني بحبٍ ما عرفته ربنا يبلاك
وانا بنت ولا امشي في دروب العيب والشيني
انا بنتٍ ربت في بيت عز وسيرته تسواك
على دين وسلوم وعز وعهود وبراهيني
ماني من عآلم الموضه وغصن البان هو والراك
عزيزة نفس والعزة عن امثآلك تعزيني
وتركد لا تعشم نفسك اني بالغرام اهواك
ترى منته بربٍ لي تموتني وتحييني
دمــــــــــتـــــــــمـ بـــــــــود
مـــــمــا راقـــــى لــــــي