خل التغلي يريش العين خله
لاتخسر الحب ياللي بيني وبينك
ماني من اللي يخضع الراس كله
لو كان عاجبني جمالك وزينك
كانك بغيت القلب يمكن تشله
بس الكرامه صعب ترخص لعينك
ماعشت فالدنيا من اجل المذله
عفوا حبيبي بس طالت يدينك
حبل عقدته قادر اني افله
لاوالذي سواك وصور جبينك
سيف القطيعه مسهل اني اسله
بقطع علومك بس مقطع سنينك
درب السعاده كل عاشق يدله
وربي يهين اللي يفكر يهينك
والشاطر العارف سوالك يحله
خل التغلي قبل لاتخسر ظنينك