بسم الله الرحمن الرحيم
السلام عليكم ورحمة الله وبركاته
كان خطأها كبيرا ً ، ولكن كان إعتذارها لذيذا ً ، فسامحتها..
جاتني من غير موعد أو رساله وإتصال
قبلتني في جبيني وإطلبت منــي السماح
قالت إسمعني دقيقه وإترك أسلوب اليهال
قلبك أكبر من زعلنا والتجافـي والجراح
أدري أني زوّدتها ، بس يــــا أبن الحلال
لا تضيّع كل حاجه والسبب لحظة مزاح
هات لي راسك أبوسه ، يكفي يا عمري دلال
والله إني من جرحتك ساهره لين الصباح
ودي بس النور يطلع وأهرع لحضنك..تعال
إحتويني..حتى قلبــــي مــــن لقيتك إستراح
ليه ساكت؟! قول حاجه ، هينّي ، عادي حلال
حتى ذبحي لجل ترضـــى يا حبيبي لك مباح
المهم أرجوك أرضى ، يعتصرني هـ الجدال
قول حاجه..خوفي عيني تنعمي من هـ الصياح
وإستدارت تخفي دمع(ن) مع سواد الكحل سال
بارزتني بالمدامع والدموع أقـــــــــوى سلاح
وآنا ساكت كني أخرس والحكي كنه محال
من ذهولي صرت أطارد في خيالي بوح لاح
تبكي!!! ليه أرجوك تبكي؟ إرحميني يا غزال
يذبح الإحساس دمع(ن) بلل أطراف الوشاح
تبكي!!! وأنتي يا حياتي كل حياتي والجمال
أنتي فرحي وأنتي حلمي وأنتي تحقيق النجاح
كفي هـ الدمعه أمانه ، تدري وش عيب الرجال؟
يضعفوا جدام أنثى لا بكت والدمع طاح
آنا ياللي بعتذر لك ، وأفتح أبواب الوصال
والزعل ملعون جده ، أنتهى وإنسيه راح
للزعل حبك بقلبي ما ترك حتى مجال
آه من قلب(ن) يسافر من جراحه للجراح
من غلاتك لو همستي بـ إعتذارك فـ إتصال
ببتسم وأفتح خفوقي بالموده والسماح
أحمد العلوي