عزيزي العضـو لو تبا ترفــع ضغــط المشرفيــن... أتبـع التعليمــات التاليــه وستجـد نفســك مطــرود من كل المنتديات إن شاء الله
ماعليك الا انك تفتح مخك معي .. وانا أضمن لك الطرد بإذن الله
وكــل شي موضـح بالأمثــله لتسهيــل استخـدامهــا:
1/ أدخــل أي قسم وأكتب أي موضــوع ماله دخــل في هذا القسم
الموضوع في وادي والمنتدى في وادي
مثال .... أكتب موضوع رياضي في المنتدى الإســلامي مثلاً ,,
ويفضــل لو تكتـب عليه (( ارجــوا التثبيـت )) يكون لها طعم احسن واحلى
2/ خـذ لك موضـوع نازل جـديد من أي قسم انسخـه واكتبـه بإسمك مره ثانيه في نفس المنتدى
ويفضــل تكتب عليـه ((( فكــره جديــده )))
(( كيه المشــرف يدوخ.. .. وما يعرف وين الموضوع المكـرر عشــان يحــذفه ))
3/ لا تشارك في أي قسم ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم إذا ماعبروك؟؟
(( صدقني اذا ماعبروك اضرب بوز وازعل ... اضمن لك الترقيه إلى .................!
4/ اكتب موضوع في قسم الشكـاوي والإقتراحــات ((الحقوووووووني )) طبعـا بييك المشرف طاير
واكتب في الموضوع (( واحــد صفــر )) وجنبها صـوره واحــد يضحــك
5/ شكّك في أي موضوع يـطرح في المنتدى .. في كل موضوع اكتب (( انا شفت هذا الموضوع قبل في منتدى ثاني))
(( خلي الاعضاء يــفهمون أن الموضوع مسروق ))
6/ ادخل على أي موضوع مثبت ... وأكتب عليه ارجو الرفع
7/ حاول ترد على المواضيع القد يمه ..... طلع الغبار ... والجديده خليها تنزل
(( بكذيه تقلب قسم المشرف فوق تحت ))
8/ شوف لك مشرف أو مشرفه وتلزق فيه أو فيها ......... كل يوم إرسله رسائل خاصه
تقـول له شو رايك فى الموضــوع الفلاني ... حاس انه مب حلو
احذفه الله يخليك ... ولا الموضـوع الفلاني حلو ثبته الله يخليك
(( هنا عااااد المشـرف يكره اليوم اللي خلـوه فيه مشــرف ))
9/ دقق في إملاءات المشرفين... ورد عليهم فقط لتصحيح الإملاء ولا تجيب سيرة الموضوع
10/ عند تعيين أي مشرف جـديد ... أبدا الكلام عن الواسطة وأنه ما يستاهل ولمح أن الإدارة كلها وسايط
هــذه تغنيــك عن كل الوســائل اللي راحــت
لا تزعلوا أخواني المشرفين والمشرفات من زمان ماضحكنا
كان مااكون اول وحده يطردها حضرة المدير !!!!!!!!!!!!!!!!!!
أرجواااااااااا التثبيت - هههههههههههههههههه