منتديات جعلان - عرض مشاركة واحدة - هذي القصيده بعد تعديل احمد العلوي((تسلم يمينه))



المشاركة الأصلية كتبت بواسطة راعي الجرنا

السلام عليكم

هذي القصيده بعد تعديلات الشاعر احمدالعلوي على الوزن
هذا القل شي اقدر اسويه تقديراً للجهد المبذول من اخونا الشاعر احمد العلوي
وحن نتعلم منه وان شا الله نستفيد من مشواره طويل في بحور شعر

حارات بي الدنيا وحالي تكدر,,,,,,,وتاهت بي دروبي فـ وسط المدينه

وأمسيت في حسره وحلمي تبخر,,,,,,وعيني تهل الدمع تبكي حزينه

من واقعن مؤلم و وضعه يفسر ,,,,,,,,,,إن الزمن لا بد ياخذ رهينه

طبع الزمن دايم يضحّك ويغدر,,,,,,,,,متقلبااااااااااوضعه و تقهر سنينه

من يوم ماني صغير والهم يكبر ,,,,,,,,,,قاسي مع الايام زايد طعينه

معاكس الأيام فوق التصور,,,,,,,,,,يرسي على المينا بليا سفينه

محدن يسليني و ياكيف بصبر,,,,,,,,,,,,اشكي غياب الخل وآقول وينه

ادق في رقمه ويعطي تعذز ,,,,,,,,,,,,,,مبند الجوال تسلم يمينه

وشله تعذبني و توعد وتغدر ,,,,,,,,,,,,,,قلبي تعب منٌك وزايد ونينه

الله الغني عنٌك اذا بتكبر ,,,,,,,,,,,,,والحر مايرضى بأحدن يهينه

السلام عليكم أخوي راعي جرنا.
والله يالغالي أحرجتني بطيبك وكرم أخلاقك ، وأنا ما أستاهل هالتكريم منك ، لأني ما سويت شي يستاهل التكريم والإشاده وأبياتك جميله بدون التعديل ومع التعديل لأن الإحساس طاغي عليها ولأنها تترجم شعور خرج من قلب وبدن تصنع أو تغليف، وما كانت فيها ذيك الكسور اللي ممكن تأثر بشكل قوي ، كل اللي أقدر أقوله أن كرمك أخجلني لأبعد الحدود ، وهالشي مو غريب عليكم لأني تعودته من أعضاء هالمنتدى الطيب والراقي فبالله أن لك ولكل الأعضاء في قلب أحمد إحترام وموده.
أعتذر على مداخلتي الطويله ولله درك من رجل شامخ