.."بيني وبينك"..
بيني وبينك حتى شكلك نسيته..
ما عاد لك في القلب تأثير وإحساس.¤.
خلاص كأنك شخص توني لقيته..
مثلك مثل غيرك مثل باقي الناس.¤.
إنت مثل حرف كتبته ومحيته..
من صفحة أحلامي ولا عاد حساس.¤.
لا تتعب أفكارك بحب نهيته..
قبل البداية وإنتهى ناقص الساس.¤.
صحيح جللتك وعهدي وفيته..
وعلية من قدرك على العين والراس.¤.
قصدك تكحل طرفي لكن عميته..
قدر البشر ما هو ب بالسهل ينقاس.¤.
أخطيت في ظنك وفعلك جنيته..
ذوق الندم والهم والحزن والياس.¤.
وأنا نسيت وحتى شكلك نسيته..
مثلك مثل غيرك مثل باقي الناس.¤.