منتديات جعلان - عرض مشاركة واحدة



على كف القدر نمشي ولا ندري عن المكتـوب

عبارة كنت أرددها صدق مـن صـاغ معناهـا

مشينا دون لا ندري وشربنا من بلاهـا كـوب
وهـذي حـال هالدنيـا رمتنـا مـا رميناهـا

تضحّكنـا تبكّينـا تمشّينـا علـى المطلـوب
علىكف القـدر نمشـي دروبٍ مـا رميناهـا

من الكاسب من الخاسر من الفايز من المغلوب
مـع الأيـام تحصدنـا وحنّـا مـا حصدناهـا

وأنا واحد من الآلاف أعيش بعالمـي مرعـوب
أحس الأرض مهزوزة من أدناهـا لا أقصاهـا

نظرت الناس من حولي وكم بالناس من منكوب
حوادث هزّة الوجـدان أجـل بالعيـن شفناهـا

ألا يا عمري الفانـي ألا يـا حقـي المسلـوب
متى عيني بليل اليـاس حلـو النـوم يهناهـا

متى حظّي يحالفني يصحّح وضعـي المقلـوب
يعدّل قسـوة الأيـام وغلطـة مـا ارتكبناهـا

مما اعجبني