آآه يا من حرمني النومي
من عرفته وأنا مبتلي به

من هواه صابتني سقومي
ويل قلب"ن" هام في حبه

كنت قبله مهتني ب يومي
الفكر مرتاح ماشي كدربه

حتى تبادالي بين الحزومي
له بش قلبي وبالحال رحبه

خشف ريم قايد ريومي
مايلام الي دوم يسهربه

طول الليالي عايش حلومي
أحلم ب وصله وأهتني بقربه

في خدوده زانت وشومي
حب رمان ع الوجن زاهبه

والخصر مجلود ومهضومي
يداعبه نود العصير لي هبه

شوف حالي هامل هدومي
ما لذ لي قوتي ولا شربه

طالب منكم ياهلي وقومي
ثيبوا فواد"ن" تايه ب غربه

شهر مضالي أردد نضومي
يا ويل قلبي اليوم من حبه

خذ يانديمي وصل علومي
ورد ب جوابك كان أثر به

وأن صد ما بيفيدني لومي
يا حظ منهو عش في حبه

بيظل حبه بقلبي مكتومي
لآخر حياتي القلب مولع به