إن عنيت اليوم باكر ما عنيت
‘‘‘‘‘‘‘‘‘‘‘‘‘‘‘‘ الهوى ما عادني ونفسي جزعت
الهوى ذقته بوقته وأكتفيت
‘‘‘‘‘‘‘‘‘‘‘‘‘‘‘‘ وما بقى من الحال له روحي رعت
كان مني يا غريبه لك حكيت
‘‘‘‘‘‘‘‘‘‘‘‘‘‘‘‘ الحروف لبعضها جمله تبعت
القصد لا شي ولا لحاجه سعيت
‘‘‘‘‘‘‘‘‘‘‘‘‘‘‘ الظروف اللي على الصدفه سعت
الحقيقه اني بوقتي سليت
‘‘‘‘‘‘‘‘‘‘‘‘‘‘‘ الدقايق وقتها لي طاوعت
أبتديت بطيب وبانهي ما خطيت
‘‘‘‘‘‘‘‘‘‘‘‘‘‘‘ حلوة الذكرى اللي منها طبعت
يا غريبه كان انا منك خذيت
‘‘‘‘‘‘‘‘‘‘‘‘‘‘‘ العطايا حبالها منك قطعت
اشتري من يشتريني وإن عطيت
‘‘‘‘‘‘‘‘‘‘‘‘‘‘ اعطي عيوني بنظره ما خدعت