منتديات جعلان - عرض مشاركة واحدة



السلام عليكم
اليكم هذه الابيات اتمنى ان تنال اعجابكم

الشيبه
قلبي شباب ولازم اني اعرس ... مابا العيوز اللي اتوسد على الباب
الخيروايد واناماني مفلس ... عندي فلوس تدعم البنك في الحساب
العيوز
ماباقي غير خشمك وهالضرش ... تبغيتعرس وانت غاشالغراب
قابل صلاتك الله يشفيك م المس ... والاترى باطب ويهيك بالتراب
الشيبه
انني عيوز واكلك الروب والخس ... اما انا ماكل سوىتكه وكباب
مافيني سكر غير ضغطي نازل بس ... دام الهوى فيني ترى كل شي طاب
العيوز
لابارك الله فيك يا الشيبهيا النحس ... ما تيبك الرمسه ولا ايبك اعتاب
قصر لي صوتك مابا اسمع ولا حس ... عطني طلاقي وانقلع واقبض الباب
الشيبه
دومك نحسيه وإذا لسانك يبا قص ... ربي ترى حلل لي أربع بالكتاب
هذا خميس الأعمى ياكم عرس ... مرتاح في الدنيا بل أهم وأعصاب
العيوز
بطران وراسك كالصخر يابس وعص ... مالوم طبعك يوم ربعك هالكلاب
غادي شرا الاريل ودومك اتحيس ... استح على ويهك اصلع ولعاب
الشيبه
فكيني من ويهك ترى مالي اي نفس ... زهقان من شوفك وابغي لي أحباب
هذا طلاقك طالقه أربع وخمس ... شلي طلاقك من ضميري بلا احساب
العيوز
مشكور يالشيبه ومن دون أي دس ... عندي حبيب ما ابتعد لحظه وغاب
يشريك ويبيعك تراه ابثمن بخس ... ماتسوى ظفره .. حلو واسمر وجذاب
الشيبه
يالله قبل لا موت منك واغتص ... طلعتي لي قرن وراسي بعد شاب
ياشينه البرقع ترى قدرك اختس ... عيوز ولك في الدنيا خلان واحباب
العيوز
مثلك تراني وهذا العمر لك درس ... لأني أميز بين شيبه وشباب
ولا نسيت أني على الموضة البس ... ما علموك انب بلا شيله وحجاب

انتظر الردود
اختكم الصغيره الدانه