افا .. يا صديق ... وراك ما تصلي معنا مثل أول ..
--------------------------------------------------------------------------------
السلام عليكم ورحمة الله وبركاته ،،
احبتي ..
اختصاراً للكاني .. والماني ...
واللبنة .. والزبادي ..
فيه باكستاني في الحاره ... صديقي الصدوق << صباح الفـل .
المهم .. فجأه ...
فقدته ... قلت يمكن سافر ..
المهم كنت جاي في وقت مبكر من الصباح .. << يعني الفجر
وقلطت على مسجد قريب من حارتنا .. قلت بصلي معهم
المهم إلا والقى صديقي " الباكستاني يصلي "
افااااااااا .. وش هالخيانه ...
بعد الصلاه ...
السلام عليكم <<< انا
وعليكم السلام <<< صديقي الصدوق
ليه انتى ما فيه صلاة مسجد هناك
بعدين انتى ليه ما فيه سفر <<< مدري ليه هالسؤال
انا ما في سفر، لسى با قي 2 سنه
............. << هو يقول أسمي كذا ..
شوف هذا إنتى نفر فيه صلاة قدام ما فيه كويس << يقصد الامام
<< علماً بأن الامام ولد خالي خخخخخخ ... وهو ما يدري الضعيف
قلت ليه هذا ما فيه كويس .
قال شوف انا ما في معلوم عربي ميه ميه ..
بس في واحد صديق يجيب قرآن لغة بلد مال آنا ..
بعدين انا شوف كثـــــــــــــــير فيه كلام قرآن
هذا مطوع صلاة قدام ما فيه يقرا هذا ليه هذا ما يقرا ..
بعدين انا يجي صلاة هنا عشان هذا مطوع مسجد كبير
يقرا شوية كلام فرق عن هذا مسجد حق أول ..
يعني بالعربي ...
يقول لي.. إمامنا ما يغير السور اللي يقراها ..
وبيني وبينكم .. " هو صادق "
نفس السور اللي نسمعها في صلاة المغرب طول الاسبوع بدون تغيير
وكأن القرآن الكريم لا يوجد به سوى لك السوى
ونفس السور اللي بالعشاء ..
ونفس السور اللي في الفجر
أسبوع كامل نفس الشيء ..
طيب اسبوعين ..
طيب شهر ..
طيب الامام من جد ما يغــــير ..
قلت والله معك حق يا صديق " انك تدور مسجد ثاني "
الإمام على دراية .. وعلم .. وحافظ لكتاب الله " ما شاء الله "
لكن من جد .. عنده مجموعة آيات أو سور .. هي اللي يرددها
في نفس الصلوات ... وكل يوم ...
انا ما اقصد انه يجلس " يـمـتـر " بهالشيبان
يعني ما يطول عليهم بإسم التغيير ..
ولكن اقول .. " يغير في اختيار السور أو الآيات على الأقل .
بصراحه ....
انا كـ شخص .. اتفقت مع الباكستاني اللي زعل يوم عرف ان القرآن
فيه اشياء كثيــــره ... غير هالسور اللي يسمعها كل يوم .
لدرجة أن احساس المصلين بها " اصبح أكثر من عادي " واستماعهم لها من كثر الترتيد .... اصبح معدوم ..
تماماً .. مثل من
يفطر ويتغدى ويتعشى نفس الوجبه طوال السنه
هل سيتذوق طعمها كما أكلها أول مره ؟
بصراحه ..
ما رأيكم بـ كلام هذا البكستاني الذي اكتشف ان القرآن به اشياء كثيره
وما رأيكم بـ الإمام بشكل عام على تركيزه على آيات معينه في كل صلاه لا يغيرها
انا شخصياً ...
لا أعلم مع من اقف .. هل اقف مع الجاهل الذي يريد ان يستزيد من القرآن الكريم
في كل صلاه .. او على الاقل مره في الشهر
ام اقف مع الإمام الذي من المؤكد أنه يقرأ بـ السور المتعارف عليها في السنه ؟