ما دريت انك على طريق الحزن ماشي
تبكي ودموعك تسيل على ملامح خدودك
هذا انت حامل حقائبك وانت ولا داري
ما يكفيك تشقق الضلوع مبينه على كتافك
انت كنت الحب الصادق وياليتك كنت داري
غرتك الدنيا وزينتها ونسيت اعز اصحابك
ما اريد بقصيدتي لك هذه تفكر او تحاتي
اريدك بس تتامل كيف كنت حافظ اشعارك
واعذرني اذا بهذه الكلمات خليتك تعاني
انا بهالكلمات اوصف غلاتك عندي وحلاتك
كنت لي اعز رفيق واقرب من حياتي يا حياتي
كيف انسى المعزة اللي انت نسيتها بغيابك
وهذا انا جيتك ونفسي اجمع شفاتك بشفاتي
عسى الود بيننا يرجع ويبعد كل اهاتك
يا صاحب الجرح انسى الجروح واذكر غلاتي
اللي نفسها تسهرك وتنسيك اتعس احزانك
ومهما زاد صدك عني وغرورك مصيرك تنادي
اعذرني يا اسير الصحاري على سيل دمعاتك
وذاك الحين بذكرك بالماضي وكيف كنت قاسي
وبذكرك بمعنى الغلا اللي رميته على ذاتك
وتذكر يا صاحبي ان الضارب دوم ناسي
والمضروب يلف ويدور على اسباب ابعادك
وخاتمة كلامي ماني على طريق البعد ناوي
جالس انتظر همسة وفاء منك ترجع لك ضحكاتك

مع خالص تحياتي
اخاكم
اسير الصحراء:)