السلام عليكم.
ماشاء الله عليك أختي ، مفردات جميله وإحساس مرهف.
وترابط بين المفردات.
الشئ الذي يعيب على الأبيات هو الوزن ، ولا تقلقي كثيرا ً من هذه الناحيه
فالوزن عقدة بسيطه ولها حل ، وأعتقد أن أغلب الشعراء يمرون بمثل هذه العقده في بداياتهم ، بل وحتى وإن كان المرء شاعرا ً متمكنا ً ، يمكن أن يختل الوزن عنده في بعض الأبيات.
سأعطيك مثالا ً على إختلال الوزن في أبياتك:
في البيت الأول
روح ماعاد لي رغبة لرؤياك
روح ولا عاد ترجع الله يجيبك
الوزن في شطر البيت نوعا ً ما مضبوط
ولكنه في العجز إختل وضاع
أنا راح أعدل لك البيت عشان تقدري تلاحظي الفرق
روّح أنا ماعــدت أرغـــب فرؤياك
روّح عسى دربن خذك مايجيبك
على وزن:
مستفعلن مستفعلن فاعلاتن
لو كتبتي كل أبيات قصيدتك على هالشكل ، بتحسي إنها مضبوطه.
وعشان تقدري تضبطي وزن قصايدك ، حاولي تغنيها بأي لحن يخطر على بالك
وخذيها معلومه ، البيت الأول في القصيدة مهم جدا ً ، لأنه يعتبر الميزان اللي توزن عليه كل القصيدة ، فإذا كان البيت الأول غير موزون ومختل الوزن فيه ، كل باقي الأبيات اللي بعده
راح تطلع مكسوره ، يعني بالمختصر ركزي على أول بيت في القصيدة وحاولي تضبطي وزنه.
أتمنى لك التوفيق وإلى الأمام إن شاء الله