سرى فكري مع طيف الحبيب اللي سكن بالعين..
وسافر بي على جنح الخيال وحبه العذري..
تناسيت المدامع والمآسي والشقاوالبين..
تناسيت الجروح وهمي وغمي وأنا مدري..
حبيبي آسف أزعجتك..!!
ولكن آآآه لو تدري..
عن أيامي وتغريبي..
وعن ليلي وعن صبري..
صبرت أكثر من اللازم وباصبر في غلاك سنين..
صبرت وضاع عمري..لا حشاماضاع ياعمري..
مدامك ساكن أعماقي وتقطف من ثمرها تين..!!
أنا كلي عمر لجلك وإذا حان الوعد قبري..
حبيبي قبل أشوفك كنت أنا والليل متخاوين..
يجي صدفه وصدفه ينقضي مابحت له سري..
يطول الليل بغيابك وتقدر تسأل السارين..
متى شمس المساء تشرق وتاصل خطوة العبري..؟
لمحتك صدفه بوقت الجفا..ودمعة المسكين..
وجيت مثل ما انت وابتسمت وخالطك عطري..
وحسيت السحايب في خفوقي تمطرك حرفين..
تعبر عن مشاعرها بعشق ذاب في صدري..
أحبـــــــــــك..
ياجنون العاشق اللي لومعه قلبين..
عطاك اقلوبه ودمعه ودمه واسألي شعري..
أناوياك..
في هيكل بني آدم معه روحين..
تربعنا على عرش الغرام وليله السحري