شحــــــــــــالكم
عســــــــــــ بخير ـــــ وسهالهـ ــــــــــاكم
"" احتاج لك والحاجه ام الاختراع ""
شطر كتبه الشاعر سعد علوش فـ منتداه
ووضع مسابقه على من يكمل ويكتب عليه قصيده
يعني يكمل
احتاج لك والحاجه ام الاختراع .... (......................................)
المهم انا كنت مب عارف عن المسابقه والا عقب ماخلصت
ومع هذا كتبت قصيده وحبيت افوز برضاكم
واعجابكم عن الـ 20000 مالت الشاعر سعد علوش <<< اونه
المهم هذا نص القصيده واتمنى انه يعيبكم
أحتاج لك والحاجه ام الاخـــــتراع
واشتاق لك وذبحني الشـــــوق
جمالك الأســـــر عيشني بصـــراع
مابينك وبين القمر اية فروق
كل يوم تعلن حسان الكون اجتماع
يحلون ازمتك يامالك الـــــذوق
شرفتني يا هلا ويا مرحبا الســـاع
فـ المحاني مسكنك وسط الخفوق
نـواظري لشوفتك صــــاروا جياع
يا بلــسم القلب يادوا كـــل عوق
مشاعري متوجهه صوبك بـ اندفاع
وتوصلك مثل النسايم " برفوق"
حكمتني بحبك واعلنت انا الانصياع
يامالك تاج الحسن يا " غرنوق"
خبر زينك انتشر وبالاذاعه انـــذاع
تتسيد صف الحسان وتسوقها سوق
لك انا ضامي اسقني قدر المستطاع
كـن ريقك الصافي بالعسل مخفوق
وارجوك لاتعيشني بعدك في ضياع
تدري اني فـ بعدك اعيش مخنوق
تحتاج لي واحتاج لك ليش الخداع
ليه تقسى وتترك بقلب مغليك شقوق
احتاج لك والحاجه ام الاختراع
ويكفيك غياب ترى ذبحني الشوق
وسلامتكم
شاعـــركم المتواضع
محمد الســـاعــــدي