راسك علامك رافعه يوم احاكيك
الضاهر اني فوق حجمك عطيتك
لحظه .. نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز انهيارك خذيتك
وارخصت عمري لجل احبك واداريك
هدمت قصر الذل فيك وبنيتك
كان الغلا شمعه تنور لياليك
لو اظلمت دنياك جيت وضويتك
يالاسف كنت امدحك وافتخر فيك
رفعت من شانك وعليت صيتك
كنت انت .. عندي غير مقدر اخليك
اموت واحيا ان قلت سم وفديتك
واليوم اشوفك خنت حتى مباديك
صغرت في عيني وانا اللي هويتك
الضيف لو انه عدوٍ معاديك
غصبٍ عليك تقدره وسط بيتك
ياصاحبي بتموت ماني براجيك
واشره علي انكان حتى طريتك
لاصار ذل النفس في قلب يغليك
يلعنك ياقلب ٍ عشقك وشريتك
اضحك حبيبي دام وقتك مسليك
بكره تموت من القهر لا نسيتك
اعجبتني وكتبتها لكم
اخــــــــــــــــوكم: شــــــــــــــامخ الرأس