خليتني لاحي لاميت
وريتني بنار وشراره
ياسيدي يانور ذا البيت
عقبك ظلام وفي نهاره
اتعبتني من كثر ياليت
اتعبتني وذقت المراره
خليتني بايع وماشريت
وذوقتني مره الخساره
عقبك دموع الهجر هليت
وسالت على الناظر غزاره
اش كثر أنا يالزين عانيت
عانيت وأنته في استداره
تقول عني اني تماديت
وانته دايم في عياره
سقيتني شوره وكبريت
سقيتك أنا بيض وصفاره
سكنت في قلبي وتربيت
تربعت في كرسي الإماره
بعدك عيوني ماتهنيت
والقلب دايم في جواره
عني حبيبي لي تعليت
وخليت غيري في الغماره
ركبتني في ظهر وانيت
في الجو ولهيب الحراره
وبلا سبب عني تخليت
نسي الموده ياخساره
قفيت عني غصب قفيت
وغيرت حالي عن مداره
محتار في أمرك وشكيت
وشكيت في ذيك العباره
تحلف يمين تقول مابيت
أبات مع قلبك سياره
مفتوح قلبي لك إذا جيت
تفضل سكن ماهي زياره
خليتني لاحي لاميت
وريتني بنار وشراره