فمان الله يأجمل غرام عاش نبضاته
على دق الخفوق اللي سكن قلبي وغدا مرحوم
فمان الله وأنطقها وأنا حولي خيالاته
تحيـيـني وأنــا منها أطيـح مـن البـكـي وأقــوم
أموت من ألأسى وأحيا أنا أحيا على ذاته
وذاته روح في روحي وفرقاها قدر محتوم
وان منه غديت الهم وغبن الحزن وأهاته
غديت المهمل المنسي غديت التايه المحروم
وأنا واعزتي للي رحل وأطلق جناحاته
رحل عني ولا أدري اذا وده يجيني يوم
رحل وأخفى سنا الدنيا عن عيوني بطلاته
وخلف شوق واهات وسهر ليل وتجافي نوم
مشيت أتبع خيالاته صدى صوته ومسافاته
وثاري مامشيت الا على جرح وألم وهموم
بديت اقسى على نفسي وأذكرها بزلاته
لعل النفس لو تنسى ..ونفسي .. عن هواه تصوم
واثاري أنسى نفسي ذاتي وانسى حاجاته
وبديت أفقد بعض مني وبعض كلي وفقدت عزوم
لقيت أنا أحيا على بسمه من سفاته
واذا بنسى بشوف الروح في كوم وأنا في كوم
رضخت لقلبي الميت رغم سمعي لدقاته
وقلت أن الوضع أحسن من أني أحسبه مرحوم
أنا عايش على الذكرى عسى الذكرى ترد ذاته
واذا الالذكرى غدت عني فأنا موتي أمر محسوم