السـِـِـِـِلام عليكم ورحمة الله وبركاته
شحالكم
عساكم بخير وسهالهــِـِـِـِـِ
من يومين وانا راقد طرش لي ولد خالتيـــ
قصيده بالفون
يشتكي لي اونهــِـِـِـ
وهذا نص القصيده
جيتك يامحمد بالصدر ضيقه
يشكي زمانٍ ماعرفنا خطاويه
كلن يعاند احساسه مضيع طريقه
الوضع مايطمن الله يسلمنا من بلاويه
دنيا وشفت فيها الرفيق يطعن رفيقه
والخوي في قساوة دنيته يفقد مخاويه
وشفت فيها اخوان تفرقهم عشيقه
كل واحد فيهم غارقن في مناويه
عشنا في زمن جربنا على اللي مانطيقه
مدري نداري جهلنا ولا نداويه
جاهلنا بكل تخلف يشعل حريقه
وعاقلنا يشتري ويبيع في سنة فتاويه
الله يوسع صدرن به ضيقه
والله يجرينا من هالزمن وبلاويه
وانا بصراحه كنت راقد وكانت الساعه 3 بالليل
وحاولت ارد رد مناسب قدر الامكان
وهذا اللي ظهر وياي
يابوحمدان تدري وش الفرق بين الجبل ومضيقه
ما من فرق.. كلن يشتكي هم الزمن وبلاويه
ان كان الجبل عالي ماقدر يناظر عيوبه العميقه
والمضيق من عمقه مايقدر يسوي اللي ناويه
وتدري ليه ما تنقهر الثانيه من الدقيقه؟
لان نفس الدقيقه تنخلق بالثواني فـ ليه المشاريه
جنب عن الحزن والقهر وابعد عنك الضيقه
ترى رمر دنياينا بكل ناسها دمعنا ما تساويه
الا محبوبتي الفاتنه لي من يومها رقيقه
انا اشهر ان كل هالكون بما حمل تماريه
اللي ريقها ما كنها الا تجمع من الزهر رحيقه
وكن النحل لا شافها تجمع وعليها نوى غزاويه
اذا ناظرتها مايلقى الحزن لقلبي اي طريقه
وعمر الحزن في سوالفنا ما نجيب طاريه
هذي الحقيقه يابوحمدان هذي الحقيقه
شف فرحتي واليوف جور الزمن كاويه
ورموش عيني وسط دمعي غريقه
وكبل ايديني الحزن وش اللي اقدر اسويه
لكن ادري شلون ابعد الحزن والضيقه
عشان تبرر ضيقتك سوي بالضبط اللي اسويه
اذا في يوم من حزنك دمعك تريقه
قول شفت طفل يبكي ماتوا والديه
وسلامتكم
عسا تعيبكم وتنال اعجابكم