شلني من خيالك
شلني من حياتك
انسى حبي وقلبي
وانسى ذيك الليالي
انتهى الحب كلة
والسبب انت ذاتك
بس يكفي ياغالي
يكفي اللي جرالي
هات لي ذكرياتي
واستلم ذكرياتك
رد قلبي وروحي
حتى باقي خيالي
كنت أحبك حقيقية
كنت أداري غلاتك
كنت تسوى حياتي
بالفعل كنت غالي
غلتطك وأنت تدري
حطمت أمنياتك
شلت عينك بصبعي
وانت تبغى وصالي
راح عنك قطاري
لاتلوح عصاتك
كم محطة ومحطة
من يمين وشمالي
لا تنادي كفاية
فاتك الحب فاتك
لا تحاول رجوعة
هذا سابع محالة
شوفلك حد غيري
دام هذة صفاتك
ببتعد عن حياتة
وهذا اخر مقالي
شعر : درع الجزيرة