بـــــــــــــــــــــــــــــــــــــــــــــــــ ـــاك..
يبت لكم البارت " 14" الجزء الثاني..
ام محمد: الله.. شهالكشخه.. شالهازيين..؟
وهند ابتسمت كالعاده.. وتذكرت شي.. وسارت تييب ورقه وقلم عسب تكتب لامها الشي.. وكتبت..
" اقول امييه.. شو مناسبه العزيمه.. ؟.."
ام محمد { بعد ما قرت الكلام..}: مادري والله..بس هو قال انه رح يقول لنا السبب ع العزيمه.. يلا حبيبتي انا بسير البس العباة وبرد لج انزين..؟
وهند هزت راسها..
عقب سارت تدور اي عباه احلى..هي كان عندها ثلاث عبي..
1.. عباه مسكرة وســـادة ما عليها اي شي.. اللهم التطريز ع العباه باللون البنفسجي.. ومن فوق خناقي..
2.. عباه اسلاميه..عليها تطريز من عند الكم.. باللون التركواز..
3.. عباه فخمــه مال اعراس مليانه فصوص الماس..
وهي قررت اول عباه.. والي هي عباه مسكرة وســـادة ما عليها اي شي.. اللهم التطريز ع العباه باللون البنفسجي.. ومن فوق خناقي.. لانها ترتاح فيها اكثر.. وفوق هذا هي رايحه عزبه هب عرس..وبعدين يمكن يكون فيه هوا.. ويفج العباه ( الاسلاميه )..والصراحه هو كان انسب قرار..
عقب تعطرت (( ع الخفيف )) وسارت صوب اختها مرام.. وع حظها كانت ظاهرة من الحجرة..
مرام: يلا جاهزة..؟
وهند هزت راسها..
ام محمد و ابو محمد ظهرو من الحجرة..
ابو محمد: شحالج يما هند..؟
هند ترفع صبعها الابهام بمعنى " اوكي "..
وظهرو الكل من البيت وسارو صوب السيارات..
مرام { تطالع ورا }: ما اشوف سيارة محمد.. وينه..؟
ابو محمد { يشغل السيارة }: سار العزبه ويا الشباب..
مرام: اهاا..
عقب سارو وفـ الطريق.. هند تحاول انه تقول لمرام انها تبي تسير الواحه..
مرام: شو.. ما افهم عليج..
هند تضرب راس مرام ع الخفيف بقله صبر.. و تكتب بصبعها ع الكرسي..
مرام { تقرا الكلمه }: ال.. شو الحرف الي بعده..؟
وهند تكتب الكلمه مرة ثانيه..
مرام : اهاااااا الواحه..
وهند تسوي شرات الشرطه جنه تقول لها:: صباح الخير ::
مرام: ههههههه اقولك ابويه..
ابو محمد: هلا حبيبتي..؟
مرام: هههههههههههه نبي نسير الواحه..
ابو محمد: ان شالله حبيبتي..
ومرو ع الواحه.. وهند مستانسه.. من زمان ما سارت الواحه.. وطبعا احلى شي عند هند..
" سنكرز " و " كندا دراي (( البني )) " .. وبس ..
مرام: وكل هالحفله بس عسب تشترين هايل..؟ ( قصدها ع الي صار فـ السيارة )..
وهند شاقه الحلج..
عقب سارت صوب الحمامات تعدل شيلتها و عدلت الجحال و القلوس.. وكانت تفكر..
هند ف خاطرها:" يالله.. اخاف اشوف سهيل. مدري ليش.. احس اني لو شفته رح يغمى علي.. ما اقدر اشوف روحي وهي تروح مني بكل سهوله.. وامترزت عيونها دمووع.. عقب ابتسمت لانها تذكرت الاغنيه الي اهداها لها سهيل..مع انها اجنيه بس كلماتها روعه اسمها ( Hero ( والمغني اسمه ( Enrique lglesias )
<< وقولو لي رايكم فـ الاغنيه..
المهم..
خلصو وسارو جدى السيارة.. و هند كل ما حست انهم يقربون من العزبه يدق قلبها اسرع.. وخلاص وصلو العزبه..
وتنزل هند وهي رافعه راسها.. وكأنها مب زايغه من شي.. لكنها من داخل قلبها زايــــــغه..
(( ملاحظه: نسيت ما اقولكم انها كانت لابسه ( هند ) عدسات لونها ( عيناوي ) رهييييييييييب ))
وتطالع الكل وتبتسم.. وتوهم الشباب يو .. ونزلو من السيارات.. كانت سيارة محمد..والثانيه سيارة سهيل..
وسهيل كان متكشخ لانه يعرف انه هند بتيي..
(( ملاحظه: احلا عطر عند سهيل: " اسكادا ( مال رياييل )" و " ؟ ( هاذاك مال التمساح ) ".. اما هند عشقها " اسكادا " وبس.. ونادر ما تلاقون عندها عطور من انواع ثانيه.. ))
وسارو الشباب صوب سيارة بو محمد.. عسب يسلمون على عمهم.. (( اونـــــــــــــــــــــــــــه )).. :D
وهند ما قدرت تسلم ع سهيل.. تحس انها اذا مسك ايدها رح يغمى عليها.. ونفس الشعور للطرفين..
والكل سار وخلاهم بروحهم.. عاد سهيل خذا راحته ف الرمسه.. وهند بدت تتوتر..
وسهيل مد ايده.. وهند طبعا ما رح تفشله.. ومدت ايدها..
سهيل { بكل جرأه }: شحالج حبيبتي الغاليه..؟
هند ف خاطرها :" يا ويييل حاااااااالي.. مقدر انا ع هالكلام هو يعرف هالشي.. بخير يارووحي.. انته اخبارك حياتي؟
وسهيل نسى انها ما تقدر ترمس.. عقب تذكر..
سهيل: السموحه هند.. نسيت انج ما تقدرين ترمسين..
وهند وطت راسها.. وهو مد ايده عند ( لحيتها ).. ورفع راسها..
سهيل: لا توطين راسج وانا عندج.. ولا تزعلين وانا يمج..
وهند استانست من رمسته..بس تذكرت انه خاطب اعز ربيعاتها قديما.. وعدوتها حاليا..
وفجت ايده.. وسارت داخل..
ويا وقت العشا.. والكل تيمع ع السفره..الحريم بصوب.. والرياييل بصوب ثاني..
ابو الحسن وقف.. عسب يقول مناسبه العزيمه..
ابو الحسن: مساء الخير للكل.. حبيت اقولكم مناسبه العزيمه.. هي.. انه الحسين خطب..
وعاد الكل يلس يرمس.. منو خطب.. ؟ ومتى..؟ وليش..؟ والشوشرة تعم المكان..
ابو الحسن { يسكتهم }: ادري انكم تفاجئتو من المناسبه.. الصراحه هو خطب وحده انتو ما تعرفونها.. بس في وحدة موجوده هني تعرفها عدل..
ومرام وطت راسها..
ابو الحسن: البنيه هي.. عاشه بنت محمد ال*****.. وهي تشتغل عند مرام بنت اخوي عبدالله..
والكل تفاجئ من البنت.. وانصدم.. هم كانو مخططين انه غاده للحسين و الحسين لغاده.. بس خلاص هالمكتوب ورح يصير..
المهم.. هدئ الموضوع.. وهند ما لمست شي من العشا.. وحليلها نفسها مسدوده من موضوع سهيل وياغادة..
هند ف خاطرها:" يا خوفي يعلنون خطوبة سهيل ويا غادة.."
عقب نشت من السفرة وسارت صوب الحمام.. ولحقها شخص.. عقب لحق شخص هالشخص..
ونزلت من الحمام ( الله يعزكم ).. واصدمت ويا الشخص الاول.. وهند كانت تبي تزاعج ع الشخص من كثر غيظها.. بس وحليلها السكوت كان مسيطر عليها..
الشخص: هييي انتي ما تشوفين..؟
هند شافت الشخص.. و فخاطرها:" غــاده.. اففف دووم وراي وراي.. شتبي هاي.."
غادة:امم انا ييت عندج عسب اقولج انه قريب رح يعلنون خطوبتي من سهيل..
وسهيل كان وراها وهو الشخص الثاني الي لحق غادة.. لانه حس انها ناويه شر ع هند..
سهيل: نعـــــم؟؟.
غادة { مصدوومه }: هاا..؟ انته شيابك وراي.. والا انته لحقتني لانك خايف عليي...؟
سهيل: اي اخاف عليج اي بطيخ..؟ انا ييت لاني ابي الحمام..(( اونـــــــه ))..
غاده: انزين.. اقولك.. اليوم ابوي قال لي انهم رح يعلنون خطوبتنا..
سهيل { يطالع هند الي كسرت خاطره .. بس طالعها بنظرات ما فهمت معانيها }: وبعدين..؟ شو المطلوب..؟
وسار من عندهم وترك هند ف حيرتها من نظراته.. ومن ردة فعله..
وغادة حرجت وردت للجماعه..اما هند تصنمت ف مكانها..
هند ف خاطرها:" آآه انا كنت حاسه انه ما رح يقول لها شي.. بس يا ترى.. شو يقصد بهالنظرات..؟ ما فهمت شي..
وقطع حبل افكارها صوت حبيب قلبها المثالي..
سهيل { من وراها }: بوو..
عاد هند هني نقزت .. وكان شكلها يضحك..
سهيل: ههههههههههههههه بلاج..؟
وهند طالعته بنظره وسارت عنه..
سهيل ف خاطرها:" ياوييل حالي ع هالنظرات وراعيها.."..
وانقسمو الاهل.. الشباب والبنات \\ الرياييل و الحرييم..
صوب الشباب والبنات..
كانو يطالعون تلفزيون.. والريموت كنترول { الجهاز }.. ويا سهيل.. وجان يحط ع قناه نجوم.. وبدت اغنيه ( غمض عيونك واحلم انك معايا )..
هند ف هالوقت كانت مغمضه عيونها.. واول ما سمعت بدايه الاغنيه جان تفز وتطالع التلفزيون..
وسهيل قال يبي يتنذل .. وغير القناه..
وهند تبي تصارخ و تزاعج عليه.. بس الي سوته ( لا شعوريا ).. جان تنش الين عنده وزخت الجهاز وردت ع قناه نجوم..
محمد: هههههههههههههه عاش عاش بنت عبدالله ال*****..
وهند ردت مكانها.. وغمت عيونها وشفايفها تتحرك.. لانها كانت تغني ويا \\ اليازيه \\..
عقب ما خلصت الاغنيه جان تنش وترد الجهاز لسهيل وتقول: " السموحه ".. طبعا سهيل فهمها من حركه شفايفها ..
وردت مكانها بكل هدووء..
ويا الحسين يزقرهم..
الحسين: يلا شباب ويا بنات.. ابو سهيل يبي يقول شي..
وغادة تطالع هند احتقار وتسير ..
اما سهيل شاف نظرات غادة الحقيرة وسار جدى هند الي ما رضت تسير عندهم..
سهيل { يهمس لهند ف اذنها }: لا تخافين..
وسار عند الرياييل والحريم..
كـــــــــــــــــــــــــــــــــــــــــــــــــ ــــــــــــــــــــــــــت
شرايكم ف البارت..؟
توقعاتكم..
++ شو تتوقعون ابو سهيل رح يقول..؟ ++..
\\ وشو يقصد سهيل برمسته لهند..؟ وشو رح يسوي ..؟ \\..
>> وهند.. متى رح تطلع من سكوتها الدائم..؟ <<..
كل اجوبه هالاسئله ف البارتات اليايه.. ^^
السـ م ـو ح ــه..~
||. ج ـــــــعلآلآلآنيه طــــــــــــــررر.||