البارت " 14 ".. الجزء الاول..
واول ما دشت البيت عطووول صوب حجرتها.. وطاحت فوق الشبريه..
و قعدت تفكر ف المواقف الي صارت وياها ف البنك..
مرام ف خاطرها:" معقوله يحبني..؟ لا ما اعتقد.. هه تفاجئت يوم قال انه بيشتغل عندنا ف البنك لا وين..؟ عندي ف القسم..ههههه والله صدف عجيبــه.. يا ترى.. شو تخبي الايام..؟"..
عقب رقدت وهي كانت تفكر بـ " حــمــد ".. ولدرجه التفكير فيه.. حلمته..
>> (( كان ياما كان في قديم الزمان ))<< خخخ
" انها تكون تشتغل ف القسم.. و حمد هب وياها.. وفجأة جان ايي حمد وهو شاق الحلج..
حمد: قولي لي مبروك..
مرام: مبروك..
حمد { يقرب صوبها }: انتي حامــــــل.. "
ومرام نشت من الرقاد مخترعه.. وتتنفس بقوو..
مرام: اعوذ بالله من الشيطان الرجيم..
وشافت الساعه.. وكانت الساعه 4 العصر.. وهي ردت البيت الساعه وحده الظهر..
وعطول اذن العصر.. وقالت انه احسن لها تسير تتسبح عقب تصلي..
اما صوب هـــند.. >> من زمان ما يبنا طاريها..
كانت تقرا قصه ( ماذا بعد الآلام..؟ ).. وشافت انه حاله شهد شرات حالتها.. بس شهد كانت مصدومه من مووت اخووها
وحست بمعاناة شهد..
هند ف خاطرها:" آآه يا شهد.. صدق حسيت بمعاناتج.. بس انا لو كان سهيل مات جان انتحر.."..
ومن كثر الملل ما تدري شو تسوي.. سارت تدور ف منتديات عن قصص حلوة.. ولقت اسم لفت نظرها..
وهو (( عيون المها.. >>ملاك دبي<< )).. وبدت تقرا فيها..خلصت اول بارتين.. وحست انها رح تطلع روحها.. من الوحدانيه.. تحس انها بروحها.. ما تعرف شو تسوي.. قرت اكثر من قصه.. والافكار تلعب بمخها لعب.. وحليلها ما تدري شو تسوي.. واهم شي عندها.. انها تظهر من الحجرة.. بس قالت انه احسن لها انها تسير تصلي عقب تظهر.. عسب ترتاح.. وسارت تتمسح عقب صلت.. عقب رفعت ايدها تدعي للرحمن .. خالق كل شي..
هند تدعي ف خاطرها من كل قلبها:" يارب.. فرج علي .. واهدني للطريق الصالح.. لا اله الا انت وحدك لا شريك لك.. لك الملك ولك الحمد.. وانت على كل شي قدير.. رب اغفر لي ولوالدي ولأمه محمد احياء و امواتا.. يارب اسعد سهيل .. يارب انا اتمنى له السعادة الابديه.. صحيح اني ودي اتزوجه.. بس اذا كانت سعادته مع غيري.. { عقب نزلت دمعه }.. فـ انا راضيه بقدري.. و اضحي بحبي له عشان سعادته.. وصلي وسلم على سيدنا محمد وعى آله وصحبه وسلم.."
عقب خلصت من انها تصلي السنه.. وحست براحه فظيعه من بعد الصلاه والدعاء.. عقب ظهرت للصاله وشافت اختها مرام..
مرام: تبين غدا..
هند ف خاطرها:" والله مو مشتهيه.. بس ما عليه.. بتغدا وياج.."
عقب هزت راسها بمعنى: ( هيه )..
مرام: خلاص عيل.. صبر شوي..
سارت حجرتها وردت..
مرام: شوفي.. عواش اليوم عطتني هالفيلم وتقول انه حلو.. شغليه عبال ما احط الغدا..
هند هزت راسها وهي مستااااااانسه..
هند ف خاطرها:" وحليلج يا مرام.. احس انج الوحيدة الي حاسه فيني.. يلا خلني احط الفيلم عن تاكلني مراموو"..
وجهزت الفيلم.. ومرام حطت الغدا.. و الفيلم كان (( دراما ))..
وفـ نص الفيلم.. و الاصوات عــــاليه.. دش عليهم محمد.. ووياه سهيل.. ومحمد ع باله انه خواته ف الصاله الداخليه..
والخوات سارن الميلس.. لانه شاشه التلفزيون ف الميلس كبيييرة والسماعات ضخام.. فـ حسو انه الجو بيكون حلو.. وطبعا الخوات مبندين الليتات.. ومرام ما حست باخوها وولد عمها..
وهند حست بوجود شخص.. ولفت وراها الا و تحصل سهيل.. عاد هني هند خلاااااااص.. اغمى عليها.. ما صدقت انه الحبيب موجود و فنفس الحجرة.. وعطوول جان تدز مرام.. وتشرد.. ومرام ما تبي تنش الحبيبه مندمجه ويا الفيلم..
ومحمد شل سهيل.. الي كان مصدووم من المنظر..
سهيل ف خاطره:" كم بعيش انا.. ياخي هالانسانه رهيبـــــــــــــــه ولو كانت باضعف حالتها .. يعلني ما خلا منها.."
وسارو محمد و سهيل جدى حديقه البيت.. عبال ما يخلص الفيلم..
و فـ الحديقه..
محمد: السموحه منك سهيل.. والله ما كنت ادري انه الثنائي المرح موجودين..
سهيل: هههه مسموح..
محمد { يأشر ع مجموعه نباتات شبه كبيره }: هاي هندوو الي زرعتهم من وهي صف ثالث اعدادي.. و للحين تهتم فيهم.. كل يوم عقب الفير تسير وتزرعهم.. حتى لوكانت تعبانه..
سهيل { يتأمل ف النباتات }: حلوة النباتات شراتها..
محمد: ههههههههههه للحين انته بعدك تحبها..؟
سهيل: ذكرتني انا لازم ارمس ابوي ع موضوع غاده..
محمد { مستغرب }: اي موضوع..؟
سهيل: هذاك الموضوع يوم انا سويت حادث ...{ وخبره سالفه ابوه يوم سار عند ابو غاده وخطبها }..
اما عند قوم هند..
كانت مو مصدقه الي صار.. بس ف نفس الوقت.. تقول حق عمرها..
هند ف خاطرها:" انا ليش اتعب عمري واعيش عمري ف وهم..؟ اصلا هو خطب خلاص.. انا لازم انساه..لازم.."
وقطعت حبل افكارها امها الي من الصبح تزقرها و ما سارت عندها..
عقب دشت ام محمد مخترعه..
ام محمد: هند حبيبتي.. بلاج..؟
هند تبتسم.. عسب تبين لامها انه ما فيها شي..
ام محمد: ع العموم انا وراي شغل ف المطبخ.. بس حبيت اقولج انه عمج جاسم عازم الكــل ع العشا ف العزبه..
اليوم.. وانتي تجهزي..الساعه { تطالع الساعه }.. ثمان..
هند مستغربه من العزيمه.. بس قالت يمكن يبي يتونس فينا..
و هند هزت راسها و ابتسمت ..
ام محمد: عن اذنج..
وسارت ام محمد وتركت بنتها ترد لدوامة افكارها الي عمرها ما رح تنتهي.. ومن كثر افكارها وهي كانت يالسه ع الكرسي.. جان تغمض عيونها..وتنام..
وفجأة نشت وكانت الساعه سبع..
هند ف خاطرها:" اوييييييييييه الساعه سبع.. انا لازم اسير اتسبح واتجهز حق العزيمه..
وسارت وحليلها تتسبح ع السريع..وكان احلا شامبو عندها (( Herbal Essences ((
لان ريحته وايـــد حلوة.. ونزلت ع السريع وهي تطالع الساعه..
هند ف خاطرها:" الحمدلله.. الساعه بعدها سبع وربع.. بسير استشور شعري احسن لي.."..
عقب سارت تستشور شعرها.. وخذا منها تقريبا ربع ساعه.. عبال ما تظبته وترتبه..
وسارت صوب الكبت عسب تشوف شو تلبس.. هي قالت انها تبي تلبس كندورة.. بس امها قالت انه ف العزبه.. شحقه تلبس كندورة.. وقالت انه احسن لها تلبس بانطلون.. وعباه فخمه عسب ما تنزل العباه..
وقررت تلبس لبس كيــــــوت.. {{ بوصفلكم اياه.. عن تاكلوني..خخخ }}..
" اختنا لبست.. بانطلون ( برمودا ) لونه عينـــــــاوي.. مخمل (( نوع من الاقمشة )).. مخطط بس لين تحت الركبه.. ملزق عليها بفصوص كبيرة من الالماس.. ومن عند خصرها فصوص الماس بعد.. وولبست قميص نص كم.. لونه ابيض.. ومرسوم عليه فراشه بصوص لونها عيناويه.. ورفعت شعرها بطريقه حلوة.. و لبست نعال بووت طويل بس بدون كعب.. لونه ابيض..وعليه شكل عجيب باللون العيناوي.. وباختصار.. كان شكلها روعـــــــــــــــــــــــــــــــــــــــــــــــ ـــــــــــــــــــــــه"
وعبال ما تجهزت .. جان تيي امها ..
بــــــــــــــــــــــــــرب.. :]