الوافي اشكرك على النقاط اللي ذكرتها وهي فعلا مهمه وأهم شي الإتصال بين المجتمعين البيتي والمدرسي لأنه بدون هاي الإتصال ما راح يكون هناك نتيجه منتظره من أغلب الطلاب
بس الطلاب هالفتره غير عنا أحنا اول أحنا زمان كنا نخاف من نظرة المعلم عاد كيف لو يضربنا بنموت من الخوف بس الحين أخوي ما شي طلابنا مستهترين لدرجه فضيعه وما يخوفهم شي بالعكس لسانهم أطول منهم وأنا أتكلم من واقع نعيشه ليش الكل يجول ما يجدر يضرب انتوا لو واحد منكم يقف مكان المعلم حصه وحده بس والله والله ما يتحمل الوضع اللي صاير بالمدارس الحين الطلاب احنا صرنا نخاف منهم مو هم اللي يخافوا منا تصرفاتهم والله نخجل نذكرها وخاصه بعد الدمج واللي سموه التعليم الأساسي وانتوا تجولوا الحين محد يضرب والضرب والضرب ايش اسم الوزاره اسمها التربية والتعليم يعني تربية أول وبعدين تعليم كيف بيتعلموا وهم ما متربين
أنا شخصيا مع الضرب وضد اللي يجول الضرب ما علاج العكس غالبا الضرب يكون علاج وخاصه إذا كان المجتمع الأسري ما متواصل مع المدرسه
أخواني أنا معلمه خبرت سنتين مو الحين بس أدرس أطفال واللي اشوفه من هاي الأطفال يخليني اتحسف عليهم لما يكبروا مو الكل طبعا بس في نسبه منهم للأسف بعد الدمج راحت اخلاقهم
لمعلوماتكم قبل كم يوم طالب صف رابع معتدي على طالبه صف اول فصل من المدرسه وين التوعيه البمنزليه إيد وحده ما تصفق إذا كنا أحنا نوعي ونربي ونعلم والمجتمع ما متعاون أيش راح تكون النتيجه طبعا ولا شي أيش تنتظروا من امثال هاي الطالب لما يكونوا بموحله أكبر
موضوع لو نتكلم فيه ونشرح ما راح نخلص وهو فعلا مهم جدا جدا
أسفه على الإطاله وأتمنى لو ينقل الموضوع لمنتدى التعليم لأنه فعلا مهم ويحتاج لنقاش