منتديات جعلان - عرض مشاركة واحدة

 · 01:35 PM

هل ضروري أن يكون زوجك وسيم او زوجتك جميلة ؟ ولملذا؟

كل زوجه اتشووف زوجها افضل رجّال ب الكون ^_^

هل الحب ضروري قبل الزواج ؟ولماذا ؟

طبعا واايد رح يقولون لا والف لا!! لكن كل زواج وضروفه
ف زواج ايكون التعارف بين الزوجين عن طريق صدفه او شي
وعقب يحبون بعض وعقب يتزوجون.. وفي طبعا الزواج التقليدي
ويكون الحب فيه عقب الزواج..

هل تفضلي أن يكون زوجك او زوجتك متعلم تعليم كامل أم ناقص ؟ ولماذا؟

هيه اكييييد افضله متعلم.. لان المتعلم رح يفهم عليه ومارح يفسر
كلامي تفسيرات خاطئه!! وهم الريّال بصفه عامه مايحب حرمته اتكون
اعلى عنه ف الشهاده والتعليم!!

في أي سن تفضلي أن تتزوجين او تتزوج ؟ ولماذا
ف البدايه كان ودي اتزوج انا وعمري 18 !!
لكن الحين عمري 21 !! لكن الحين ودي اتزوج ف الـ 22
شوو نقول غير الله كريم ^_^ وييسر الحاال ^^

في أي سن تفضل أن يكون زوجك فيه ؟و لماذا؟

زوجي افضله طبعا ايكون اكبر عني .. لان المرآه يكون تفكيرها اكبر عن الريّال
وهذي نتائج دراسات وعشان جي يفضل ان يكون الزوج اكبر عن الحرمه
عشان يكون في توافق ف الافكار..

هل تقبلين بالزواج من رجل كنت تقابلينه من وراء أهلك و كنت تكلمينه بالهاتف؟ ولماذا؟

هاالشي الحين هو الي صاير!! وزمن ماتزوج وحده عرفتها قبل الزواج
هذا انتهي !! الحين 95% من المتزوجين كانوا يعرفون بعض قبل الزواج
وهذي احصااائيه عام 2007 مقارنه مع عام 1997 سووه نفس الاحصائه
و96% من الشباب قالوا مستحيل اخذ وحده عرفتها قبل الزواج
وفقط 4% من الشباب قالوا هيه نتزوج..ومستحيل واحد ياخذ وحده الا ولو
كان متأكد منها مليووون % مستحيل ايغامر ويختار وحده عشان اتكون ام عياله وهي ماتستاهل!!
وواااايد اسمع قصص ثنين يعرفون بعض وعقب تزوجوا

لكن معرفه عن معرفه تفرق!! مو معنات معرفه ان البنت اتسوي مع الشاب
مصيبه تحت شعار الزواج والحب!! لان لكل شي حدود!! والحب له حدود
لو تخطيناها عيل نحن جي دشينا ع حد الزواج والامور الي ماتستوي غير ب الزواج

لكن اجابتي ع السوال.. لمن اكون بهالموقف ساعتها بجاوب!!

هل ممكن أن تتزوجين من رجل ليس من بلدك؟ ولماذا؟

عااااادي يمكن ايكون افضل عن القرايب!! وفي لاخير كل شي قسمه ونصيب..

هل توافقين او توافق على الزواج التقليدي؟ ولماذا؟

عاااااادي تقليدي او غير تقليدي اهم شي انه يكون رجّال طيب ومحترم
ومدين وماعليه رمسه..

هل تتأثرين او تتأثر بالأفلام إلى درجة أن تنزل دموعك؟
هيه واااااااااايد وابكي

هل أنتي او انته كتومه ؟ ولماذا؟

للاسف لااا !! مب كتوومه كلش!! اي شي احس به او افكر فيه
اقوووله !!..

هل لك أصدقاء في المنتدى ؟
هيه وااااااااااايد تقريبا كل اعضاء المنتدي

ما هي المواضيع التي عجبتك أكثر شي ؟ ولماذا؟
مواضيع الاسئله مثل هذي.... اتكون حلوووة
وهم بعد مواضيع النقاشات احبها واااايد لان الواحد فيها ايعبر عن رآيه